Luvr
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 194–195-b. — ziyouz.com
Luvr (Louvre) — jahondagi eng yirik muzeylardan. Parijdagi maşhur me'moriy yodgorlik — sobiq qirollik qarorgohi binosida joylaşgan. 1791 y.da Inqilobiy Konvent dekreti b-n milliy badiiy muzey sifatida asos solingan va 1793 y. 8 noyab.dan omma uçun oçilgan. L. fondini sobiq qirollik töplami, şuningdek, monastir, çerkov va aslzoda oilalarning musodara qilingan töplamlari taşkil qildi; Napoleon yurişlarida qölga kiritilgan, turli davlatlardan sotib olingan, köplab hadya qilingan san'at asarlari b-n boyib bordi. Muzey 6 bölimdan iborat: tasviriy va amaliy san'at, qaykaltaroşlik (örta asrlar, Uyğoniş davri, keyingi davr), Yunon va Rim yodgorliklari, Kad. Şarq yodgorliklari, Qad. Misr yodgorliklari. Bular orasida Şarq yodgorliklari dunyo böyiça muhim ahamiyatga ega; fransuz san'ati (ayniqsa, kartinalar galereyasi) juda mukammal. L.da jahonga maşhur (Mikelanjelo, Leonardo da Vinçi, Rafael, Titsian, Rembrandt, Rubens va b.) nodir san'at asarlari töplangan. Muzey ekspozitsiyasi xronologik tartibda va milliy maktablar tarzida, hadya etilgan yirik xususiy töplamlar alohida joylaştirilgan.
L. binosi Parijning tarixiy qismidagi asosiy me'moriy yodgorlik bölib, 13-a. boşi — 14-a. larda eski qasr örniga qurilgan. 1546—74 y.larda me'mor P. Lesko renessans usulida saroy qurgan, haykaltaroşlik bezaklarini J. Gujon işlagan. Binoni kengaytiriş va qayta quriş (J. Lemersye, 1624 y.dan; L. Levo, 1661—64; K. Perro, 1667—74; L. Viskonti va E. Lefyuel, «Yangi L.», keyinçalik Kartinalar galereyasi) 20-a. ning oxirlarigaça davom etdi.
Asl matn (kirill, PDF'dagidek)
ЛУВР (Louvre) — жаҳондаги энг йирик музейлардан. Париждаги машҳур меъморий ёдгорлик — собиқ қироллик қароргоҳи биносида жойлашган. 1791 й.да Инқилобий Конвент декрети б-н миллий бадиий музей сифатида асос солинган ва 1793 й. 8 нояб.дан омма учун очилган. Л. фондини собиқ қироллик тўплами, шунингдек, монастир, черков ва аслзода оилаларнинг мусодара қилинган тўпламлари ташкил қилди; Наполеон юришларида қўлга киритилган, турли давлатлардан сотиб олинган, кўплаб ҳадя қилинган санъат асарлари б-н бойиб борди. Музей 6 бўлимдан иборат: тасвирий ва амалий санъат, қайкалтарошлик (ўрта асрлар, Уйғониш даври, кейинги давр), Юнон ва Рим ёдгорликлари, Кад. Шарқ ёдгорликлари, Қад. Миср ёдгорликлари. Булар орасида Шарқ ёдгорликлари дунё бўйича муҳим аҳамиятга эга; француз санъати (айниқса, картиналар галереяси) жуда мукаммал. Л.да жаҳонга машҳур (Микеланжело, Леонардо да Винчи, Рафаэль, Тициан, Рембрандт, Рубенс ва б.) нодир санъат асарлари тўпланган. Музей экспозицияси хронологик тартибда ва миллий мактаблар тарзида, ҳадя этилган йирик хусусий тўпламлар алоҳида жойлаштирилган.
Л. биноси Парижнинг тарихий қисмидаги асосий меъморий ёдгорлик бўлиб, 13-а. боши — 14-а. ларда эски қаср ўрнига қурилган. 1546—74 й.ларда меъмор П. Леско ренессанс усулида сарой қурган, ҳайкалтарошлик безакларини Ж. Гужон ишлаган. Бинони кенгайтириш ва қайта қуриш (Ж. Лемерсье, 1624 й.дан; Л. Лево, 1661—64; К. Перро, 1667—74; Л. Висконти ва Э. Лефюэль, «Янги Л.», кейинчалик Картиналар галереяси) 20-а. нинг охирларигача давом этди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.