«Madad» suğurta agentligi
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 45-b. — ziyouz.com
«Madad» suğurta agentligi - Özbekistondagi yirik suğurta agentligi. Özbekiston Respublikasi Vazirlar Mahkamasining 1995 y. 26 iyundagi qaroriga köra, oçiq aksiyadorlik jamiyati sifatida taşkil etilgan. Agentlikning asosiy aksiyadorlari Özbekiston Respublikasi Davlat mulki qömitasi (hissasi 25%), Taşqi iqtisodiy faoliyat Milliy banki (17,91%), «Özsanoatquriliş» banki (13,7%), «Öztadbirkorbank» (17,70%), boşqa yuridik şaxslar (21,24%) va jismoniy şaxslar (1,75%). Agentlikning asosiy vazifasi keng kölamdagi suğurta xizmatini körsatiş, şuningdek, xususiy tadbirkorlik va kiçik biznesni rivojlantirişga yönaltirilgan investitsiyalarning suğurta himoyasini ta'minlaşdan iborat. Suğurtaviy himoya b-n ta'minlaş yuzasidan yuklatilgan vazifalarga muvofiq, agentlik suğurtaning öndan ortiq turini amalga oşiradi. Agentlikning suğurtaviy majburiyatlari portfelida mulk suğurtasi, baxtsiz hodisalar oqibati suğurtasi, kasb mas'uliyati suğurtasi turlarining salmoği yuqori. Kreditning garov b-n qoplanmagan qismini qaytarmaslik holatidagi javobgarlik suğurtasi kiçik va örta biznes subyektlarining loyihalarini moliyalaştiriş muammolarini yeçişda keng qöllaniladi. Bu tur böyiça agentlik 2001—2002 y. davomida tuzgan şartnomalari soni 1800 dan ortiq, suğurta majburiyatlari 10 mlrd. sömni taşkil etdi. Agentlik faoliyat davrida 4 marta aksiyalar emissiyasini amalga oşirdi. Agentlikning Nizom jamğarmasi 250 mln. söm, suğurta mukofotlari 460 mln., tölangan qoplamalar hajmi 161,9 mln. söm (2002).
Mömin Aşurov.
Asl matn (kirill, PDF'dagidek)
«МАДАД» СУҒУРТА АГЕНТЛИГИ - Ўзбекистондаги йирик суғурта агентлиги. Ўзбекистон Республикаси Вазирлар Маҳкамасининг 1995 й. 26 июндаги қарорига кўра, очиқ акциядорлик жамияти сифатида ташкил этилган. Агентликнинг асосий акциядорлари Ўзбекистон Республикаси Давлат мулки қўмитаси (ҳиссаси 25%), Ташқи иқтисодий фаолият Миллий банки (17,91%), «Ўзсаноатқурилиш» банки (13,7%), «Ўзтадбиркорбанк» (17,70%), бошқа юридик шахслар (21,24%) ва жисмоний шахслар (1,75%). Агентликнинг асосий вазифаси кенг кўламдаги суғурта хизматини кўрсатиш, шунингдек, хусусий тадбиркорлик ва кичик бизнесни ривожлантиришга йўналтирилган инвестицияларнинг суғурта ҳимоясини таъминлашдан иборат. Суғуртавий ҳимоя б-н таъминлаш юзасидан юклатилган вазифаларга мувофиқ, агентлик суғуртанинг ўндан ортиқ турини амалга оширади. Агентликнинг суғуртавий мажбуриятлари портфелида мулк суғуртаси, бахтсиз ҳодисалар оқибати суғуртаси, касб масъулияти суғуртаси турларининг салмоғи юқори. Кредитнинг гаров б-н қопланмаган қисмини қайтармаслик ҳолатидаги жавобгарлик суғуртаси кичик ва ўрта бизнес субъектларининг лойиҳаларини молиялаштириш муаммоларини ечишда кенг қўлланилади. Бу тур бўйича агентлик 2001—2002 й. давомида тузган шартномалари сони 1800 дан ортиқ, суғурта мажбуриятлари 10 млрд. сўмни ташкил этди. Агентлик фаолият даврида 4 марта акциялар эмиссиясини амалга оширди. Агентликнинг Низом жамғармаси 250 млн. сўм, суғурта мукофотлари 460 млн., тўланган қопламалар ҳажми 161,9 млн. сўм (2002).
Мўмин Ашуров.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.