Magnetron
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 22-b. — ziyouz.com
Magnetron [magnit va (elek) tron] — öta yuqori çastotali elektromagnit tebranişlarni generatsiyalaydigan elektrovakuum asbob; elektronlar doimiy magnit va elektr maydoni b-n özaro ta'sirlaşganda sodir böladi. Köp rezonatorli oddiy M.ning asosiy qismlari elektronlar çiqaradigan katod va elektrik hajmiy rezonatorlar bölgan anoddan iborat. M.ning tebraniş sistemasida 8 dan 40 tagaça rezonator bölib, ular anod teşigi atrofida simmetrik joylaşgan. Har qayyasi rezonator katod joylaşgan markaziy teşik b-n tirqiş orqali boğlangan. Rezonatorlar halqasimon tebraniş sistemasini hosil qiladi. Bir yoki bir neça rezonatorni siljitib, çastota özgartiriladi. Rezonator hosil qilgan öta yuqori çastotali elektr maydoni b-n tormozlangan elektronlar maydonga energiya berib, öta yukrri çastotali elektromagnit tebranişlarni kuçaytiradi. M.ning iş diapazoni 0,5 dan 100 Gs gaça, f.i.k. 0,8 gaça. Iş tarziga köra, M. uzluksiz va uzlukli xillarga bölinadi. Uzluksiz M.larning quvvati bir neça Vt dan önlarça kVt gaça, uzlukli M.larniki 10 Vt dan 5 MVt gaça. M. radiolakatsion st-yalarda, rözğorda işlatiladigan peçlar va b.da foydalaniladi (yana q. Elektron lampa, Elektrovakuum asboblar).
Asl matn (kirill, PDF'dagidek)
МАГНЕТРОН [магнит ва (элек) трон] — ўта юқори частотали электромагнит тебранишларни генерациялайдиган электровакуум асбоб; электронлар доимий магнит ва электр майдони б-н ўзаро таъсирлашганда содир бўлади. Кўп резонаторли оддий М.нинг асосий қисмлари электронлар чиқарадиган катод ва электрик ҳажмий резонаторлap бўлган аноддан иборат. М.нинг тебраниш системасида 8 дан 40 тагача резонатор бўлиб, улар анод тешиги атрофида симметрик жойлашган. Ҳар қайяси резонатор катод жойлашган марказий тешик б-н тирқиш орқали боғланган. Резонаторлар ҳалқасимон тебраниш системасини ҳосил қилади. Бир ёки бир неча резонаторни силжитиб, частота ўзгартирилади. Резонатор ҳосил қилган ўта юқори частотали электр майдони б-н тормозланган электронлар майдонга энергия бериб, ўта юкрри частотали электромагнит тебранишларни кучайтиради. М.нинг иш диапазони 0,5 дан 100 Гц гача, ф.и.к. 0,8 гача. Иш тарзига кўра, М. узлуксиз ва узлукли хилларга бўлинади. Узлуксиз М.ларнинг қуввати бир неча Вт дан ўнларча кВт гача, узлукли М.ларники 10 Вт дан 5 МВт гача. М. радиолакацион ст-яларда, рўзғорда ишлатиладиган печлар ва б.да фойдаланилади (яна қ. Электрон лампа, Электровакуум асбоблар).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.