Magnitofon
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 39-b. — ziyouz.com
Magnitofon (magnit va-... fon) — tovuş (nutq, musiqa) ni magnit lentaga yozib oliş va qayta eşittiriş uçun möljallangan apparat. Kasb b-n boğliq (professional), dispetçerlik, maişiy (rözğorda foydalaniladigan), maxsus, muqim (statsionar) va portativ (ixçam; ham batareyadan, ham elektr manbadan işlaydigan) xillari böladi. M., asosan, lenta (tasma) tortiş mexanizmi; lentani teskari öraş mexanizmi; yozib olinadigan va kayta eşittiriladigan tovuş signallarni kuçaytirgiç; magnit kallak; akustik tizim (radiokarnaylar) dan iborat. Tovuş signallari apparatdan magnit kallak orqali bevosita magnit lentaga (tovuşni yozib olişda) yoki akustik tizim (radiokarnaylar) ga (tovuşni qayta eşittirişda) uzatiladi. Tovuşni yozib oliş yöllari soni böyiça M. bir va kup (8 tagaça) yölli; magnit lentaning joylaşuviga köra, kassetali va ğaltakli xillarga bölinadi. Odatda, M.da bitta (monofonik) yoki ikkita (stereofonik) yozib oliş — qayta eşittiriş kanali böladi. M. magnit lentalarining harakatlaniş tezligi 38,1; 19,05; 9,53; 4,76; 2,4 m/s. Hozir işlab çiqarilayotgan aksar M.lar lentalarining harakatlaniş tezligi 4,76; 2,4 m/s. Magnit lentaga yozib olingan tovuşni öçirib, ayni paytda örniga yangisini yozib oliş mumkin. M.da lentani teskari öraş tezligi iş tezligiga nisbatan 5—10 marta yuqori (yana q. Magnitola, Magnitoradiola).
Q.: Magnitola, Magnitoradiola
Asl matn (kirill, PDF'dagidek)
МАГНИТОФОН (магнит ва-... фон) — товуш (нутқ, мусиқа) ни магнит лентага ёзиб олиш ва қайта эшиттириш учун мўлжалланган аппарат. Касб б-н боғлиқ (профессионал), диспетчерлик, маиший (рўзғорда фойдаланиладиган), махсус, муқим (стационар) ва портатив (ихчам; ҳам батареядан, ҳам электр манбадан ишлайдиган) хиллари бўлади. М., асосан, лента (тасма) тортиш механизми; лентани тескари ўраш механизми; ёзиб олинадиган ва кайта эшиттириладиган товуш сигналларни кучайтиргич; магнит каллак; акустик тизим (радиокарнайлар) дан иборат. Товуш сигналлари аппаратдан магнит каллак орқали бевосита магнит лентага (товушни ёзиб олишда) ёки акустик тизим (радиокарнайлар) га (товушни қайта эшиттиришда) узатилади. Товушни ёзиб олиш йўллари сони бўйича М. бир ва куп (8 тагача) йўлли; магнит лентанинг жойлашувига кўра, кассетали ва ғалтакли хилларга бўлинади. Одатда, М.да битта (монофоник) ёки иккита (стереофоник) ёзиб олиш — қайта эшиттириш канали бўлади. М. магнит ленталарининг ҳаракатланиш тезлиги 38,1; 19,05; 9,53; 4,76; 2,4 м/с. Ҳозир ишлаб чиқарилаётган аксар М.лар ленталарининг ҳаракатланиш тезлиги 4,76; 2,4 м/с. Магнит лентага ёзиб олинган товушни ўчириб, айни пайтда ўрнига янгисини ёзиб олиш мумкин. М.да лентани тескари ўраш тезлиги иш тезлигига нисбатан 5—10 марта юқори (яна қ. Магнитола, Магниторадиола).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.