Magomayevlar
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 40–41-b. — ziyouz.com
Magomayevlar — ozarbayjon san'atkorlari sulolasi. Magomayev Abdulmuslim Magomet öğli — kompozitor, Ozarbayjonda xizmat körsatgan san'at arbobi (1935). Milliy musiqa teatri assoçilaridan, birinçi ozarbayjon dirijyori. 1911 y.dan U.Hojibekov taşkil etgan milliy opera guruhida işlagan. Ozarbayjon opera va balet teatri direktori va boş dirijyori. Kompozitorlik ijodida Yevropa musiqa tamoyillari b-n xalq qöşiqçilik san'atini uzviy boğlaşga intilgan. «Şoh Ismoil» mugom operasi (1916), «Nargiz» operasi (1935; 1938 y.da Özbek musiqali teatrida sahnalaştirilgan), ommaviy qöşiqlar, simfonik asarlari maşhur. 300 dan ortiq xalq kuylarini töplab, birinçi ozarbayjon xalq qöşiqlari töplamini naşr etgan (1927, U.Hojibekov b-n birgalikda).
Magomayev Muslim Magomet öğli (1942.17.8, Boku) — opera va estrada xonandasi (bariton). Abdulmuslim Magomayevning nevarasi. Xalq artisti (1973). Milandagi «La Skala» teatrida malakasini oşirgan (1964—65). Ozarbayjon konservatoriyasini tugatgan (1968). 1963 y.dan Ozarbayjon opera va balet teatrida yakkaxon xonanda. Ozarbayjon davlat estrada-simfonik orkestri taşkilotçisi va badiiy rahbari (1975—89). Kuçli va nafis ovoz sohibi. Ijro uslubiga badiiy kötarinkilik, jöşqinlik xosdir. Konsert repertuaridan Yevropa va ozarbayjon operalaridan ariyalar, şuningdek, romans, estrada va xalq qöşiqlari örin olgan. Bir neça qöşiqlar muallifi. Amerika, Yevropa va Osiyo mamlakatlarida, şu jumladan, bir neça marta Özbekiston (1966, 1972 va b.)da gastrolda bölgan. Xalqaro estrada xonandalari tanlovlari (Kann, Sopot, 1969) ğolibi.
Asl matn (kirill, PDF'dagidek)
МАГОМАЕВЛАР — озарбайжон санъаткорлари сулоласи. Магомаев Абдулмуслим Магомет ўғли — композитор, Озарбайжонда хизмат кўрсатган санъат арбоби (1935). Миллий мусиқа театри ассочиларидан, биринчи озарбайжон дирижёри. 1911 й.дан У.Ҳожибеков ташкил этган миллий опера гуруҳида ишлаган. Озарбайжон опера ва балет театри директори ва бош дирижёри. Композиторлик ижодида Европа мусиқа тамойиллари б-н халқ қўшиқчилик санъатини узвий боғлашга интилган. «Шоҳ Исмоил» мугом операси (1916), «Наргиз» операси (1935; 1938 й.да Ўзбек мусиқали театрида саҳналаштирилган), оммавий қўшиқлар, симфоник асарлари машҳур. 300 дан ортиқ халқ куйларини тўплаб, биринчи озарбайжон халқ қўшиқлари тўпламини нашр этган (1927, У.Ҳожибеков б-н биргаликда).
Магомаев Муслим Магомет ўғли (1942.17.8, Боку) — опера ва эстрада хонандаси (баритон). Абдулмуслим Магомаевнинг невараси. Халқ артисти (1973). Миландаги «Ла Скала» театрида малакасини оширган (1964—65). Озарбайжон консерваториясини тугатган (1968). 1963 й.дан Озарбайжон опера ва балет театрида яккахон хонанда. Озарбайжон давлат эстрада-симфоник оркестри ташкилотчиси ва бадиий раҳбари (1975—89). Кучли ва нафис овоз соҳиби. Ижро услубига бадиий кўтаринкилик, жўшқинлик хосдир. Концерт репертуаридан Европа ва озарбайжон операларидан ариялар, шунингдек, романс, эстрада ва халқ қўшиқлари ўрин олган. Бир неча қўшиқлар муаллифи. Америка, Европа ва Осиё мамлакатларида, шу жумладан, бир неча марта Ўзбекистон (1966, 1972 ва б.)да гастролда бўлган. Халқаро эстрада хонандалари танловлари (Канн, Сопот, 1969) ғолиби.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.