Majapaxit
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 66-b. — ziyouz.com
Majapaxit — markazi Yava o.da bölgan Indoneziyadagi davlat (1293— taxm. 1520). Markazi — M. şahri. Indoneziyaning köp qismini birlaştirgan. M. davri örta asrlardagi Indoneziyaning eng markazlaşgan vakti bölgan. Imperiyaning asosçisi — Vijaya (Kertarajasa). U davlatning xalqaro siyosiy va iqtisodiy aloqalarini mustahkamlagan. Markazlaştiriş siyosatidan norozi bölgan Yava zodagonlari bir neça marta (Rangga Lavo qözğoloni, 1295; Sori - 1298-1300; Nambi -1309—16; Kuti — 1319) Vijaya va uning öğli Jayanagarga qarşi çiqqanlar. 1331 y.dagi sönggi qözğolonlar bostirilgaç, M. markazlaşgan davlatga aylangan. 14-a.da Yava madaniyati gullab yaşnagan. «Nagarakertagama» tarixiy dostoni yozilgan, ibodatxonalar qurilgan, tasviriy san'at rivojlangan. 15-a. örtasidan M. inqirozga uçray boşlagan. Vijayalar sulolasi 1451 y.gaça hokimiyatni boşqargan. Sönggi marta M. haqida manbalarda 1516 y.da eslatib ötilgan. Taxm. 1520 y. M. saltanati bir neça mayda davlatlarga bölinib ketgan.
Asl matn (kirill, PDF'dagidek)
МАЖАПАХИТ — маркази Ява о.да бўлган Индонезиядаги давлат (1293— тахм. 1520). Маркази — М. шаҳри. Индонезиянинг кўп қисмини бирлаштирган. М. даври ўрта асрлардаги Индонезиянинг энг марказлашган вакти бўлган. Империянинг асосчиси — Вижая (Кертаражаса). У давлатнинг халқаро сиёсий ва иқтисодий алоқаларини мустаҳкамлаган. Марказлаштириш сиёсатидан норози бўлган Ява зодагонлари бир неча марта (Рангга Лаво қўзғолони, 1295; Сори - 1298-1300; Намби -1309—16; Кути — 1319) Вижая ва унинг ўғли Жаянагарга қарши чиққанлар. 1331 й.даги сўнгги қўзғолонлар бостирилгач, М. марказлашган давлатга айланган. 14-а.да Ява маданияти гуллаб яшнаган. «Нагаракертагама» тарихий достони ёзилган, ибодатхоналар қурилган, тасвирий санъат ривожланган. 15-а. ўртасидан М. инқирозга учрай бошлаган. Вижаялар сулоласи 1451 й.гача ҳокимиятни бошқарган. Сўнгги марта М. ҳақида манбаларда 1516 й.да эслатиб ўтилган. Тахм. 1520 й. М. салтанати бир неча майда давлатларга бўлиниб кетган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.