Malaka oşiriş institutlari
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 131–132-b. — ziyouz.com
Malaka oşiriş institutlari MALAKA OŞIRIŞ INSTITUTLARI, Kadrlar malakasini oşiriş va ularni qayta tayyorlaş in-tlari — xalq xöjaligining turli sohalarida işlovçi mutaxassislar va rahbar xodimlarning malakasini oşiriş va ularni qayta tayyorlaş tizimidagi taşkiliymetodik va öquv markazi. Özbekistonda mutaxassislar malakasini oşiriş in-tlari (öqituvçilar malakasini oşiriş in-tlari, vraçlar malakasini oşiriş in-tlari va b.) 1930—40 y.larda taşkil qilingan.
M.o.i. tinglovçilarga fan va texnikaning yangi yutuqlarini, rejalaştiriş va iqtisodiy rağbatlantirişning samarali metodlarini, şuningdek, hisoblaş texnikasi, i.ç. jarayonini mexanizatsiyalaştiriş va avtomatlaştiriş vositalaridan foydalanib i.ç., mehnat va boşqarişni ilmiy taşkil etiş kabi masalalarni örgatadi; öquv dasturlari, rejalarini işlab çiqadi, malaka oşiriş tizimi uçun öquv va metodik adabiyotlarni tayyorlaydi va naşr etadi. M.o.i.larida öqişning asosiy şakli kadrlar malakasini oşiriş va ularni qayta tayyorlaş kurslari hisoblanadi. Bunday kurslar ulardan közda tutilgan maqsadni töliq amalga oşiriş uçun tinglovçilar özlaştirişlari zarur deb xisoblangan öquv rejasi va dasturining xajmidan kelib çiqqan holda turliça belgilanadi. Şu b-n birga dolzarb mavzular böyiça qisqa muddatli kurslar, seminarlar ötkaziladi. M.o.i.da öquv maşğulotlari ma'ruza, seminar, lab. işlari, amaliyot, ilğor iş tajribalarini örganiş, konsultatsiya va ş.k.dan iborat. Şuninedek, ilğor pedagogik texnologiyalardan keng foydalaniladi. M.o.i.da kadrlar malakasini oşiriş va ularni qayta tayyorlaş masalalari böyiça zarur meyoriy hujjatlar işlab çiqiladi, ilmiy-metodik tadqiqotlar olib boriladi. M.o.i. öz faoliyatlarini 1997 y. 29 avg.da qabul qilingan ÖzR ning «Ta'lim töğrisida»gi qonuni va Kadrlar tayyorlaş milliy dasturi asosida olib boradilar.
2002 y. Özbekistonda 23 M.o.i. işladi. Yiriklari: Özbekiston milliy unti huzuridagi Oliy ped. in-ti, Toş-kent vraçlar malakasini oşiriş markaziy in-ti, A. Avloniy nomidagi xalq ta'limi xodimlari malakasini oşiriş Markaziy in-ti, Toşkent iqtisodiyot unti huzuridagi Iqtisodiyot, biznes, kadrlar tayyorlaş va qayta tayyorlaş in-ti, ÖzR Taşqi iqtisodiy faoliyat milliy banki huzuridagi Mutaxassislar malakasini oşiriş markazi.
Asl matn (kirill, PDF'dagidek)
МАЛАКА ОШИРИШ ИНСТИТУТЛАРИ, Кадрлар малакасини ошириш ва уларни қайта тайёрлаш ин-тлари — халқ хўжалигининг турли соҳаларида ишловчи мутахассислар ва раҳбар ходимларнинг малакасини ошириш ва уларни қайта тайёрлаш тизимидаги ташкилийметодик ва ўқув маркази. Ўзбекистонда мутахассислар малакасини ошириш ин-тлари (ўқитувчилар малакасини ошириш ин-тлари, врачлар малакасини ошириш ин-тлари ва б.) 1930—40 й.ларда ташкил қилинган.
М.о.и. тингловчиларга фан ва техниканинг янги ютуқларини, режалаштириш ва иқтисодий рағбатлантиришнинг самарали методларини, шунингдек, ҳисоблаш техникаси, и.ч. жараёнини механизациялаштириш ва автоматлаштириш воситаларидан фойдаланиб и.ч., меҳнат ва бошқаришни илмий ташкил этиш каби масалаларни ўргатади; ўқув дастурлари, режаларини ишлаб чиқади, малака ошириш тизими учун ўқув ва методик адабиётларни тайёрлайди ва нашр этади. М.о.и.ларида ўқишнинг асосий шакли кадрлар малакасини ошириш ва уларни қайта тайёрлаш курслари ҳисобланади. Бундай курслар улардан кўзда тутилган мақсадни тўлиқ амалга ошириш учун тингловчилар ўзлаштиришлари зарур деб хисобланган ўқув режаси ва дастурининг хажмидан келиб чиққан ҳолда турлича белгиланади. Шу б-н бирга долзарб мавзулар бўйича қисқа муддатли курслар, семинарлар ўтказилади. М.о.и.да ўқув машғулотлари маъруза, семинар, лаб. ишлари, амалиёт, илғор иш тажрибаларини ўрганиш, консультация ва ш.к.дан иборат. Шунинедек, илғор педагогик технологиялардан кенг фойдаланилади. М.о.и.да кадрлар малакасини ошириш ва уларни қайта тайёрлаш масалалари бўйича зарур меъёрий ҳужжатлар ишлаб чиқилади, илмий-методик тадқиқотлар олиб борилади. М.о.и. ўз фаолиятларини 1997 й. 29 авг.да қабул қилинган ЎзР нинг «Таълим тўғрисида»ги қонуни ва Кадрлар тайёрлаш миллий дастури асосида олиб борадилар.
2002 й. Ўзбекистонда 23 М.о.и. ишлади. Йириклари: Ўзбекистон миллий унти ҳузуридаги Олий пед. ин-ти, Тош-кент врачлар малакасини ошириш марказий ин-ти, А. Авлоний номидаги халқ таълими ходимлари малакасини ошириш Марказий ин-ти, Тошкент иқтисодиёт унти ҳузуридаги Иқтисодиёт, бизнес, кадрлар тайёрлаш ва қайта тайёрлаш ин-ти, ЎзР Ташқи иқтисодий фаолият миллий банки ҳузуридаги Мутахассислар малакасини ошириш маркази.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.