Mamatbuva Hofiz
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 154-b. — ziyouz.com
Mamatbuva Hofiz (asli Muxammad Sattorov; 1885.14.1 — Marğilon — 1969.4.3) — Özbekiston xalq hofizi (1941). Xalq xonanda va sozandalari (Boltaboy hofiz va b.)dan xalq aşula yöllarini örgangan. Hamza boşçiligidagi agitbrigada, Özbek etnografik truppasida (1925—26), Hamza teatrida (1926—30) xonanda. Uruş yillari Yangiyöl musiqali drama va komediya teatri studiyasida yoş san'atkorlarga aşula yöllarini örgatgan. G. Raximova rahbarligidagi front konsert brigadasida xizmat qilgan. M. h. «Köp erdi hasratim», «Bir kelsun», «Aylading», «Kuling», «Fiğonkim», «Sayding qöya ber, sayyod» kabi katta aşulalarni mahorat b-n ijro etgan. U «Uşşoq», «Çorgoh», «Munojot», «Segoh» aşula yöllarini, ayrim zamonaviy qöşiqlar («Uzbekistondir», «Şodlik etsangçi yoşlar», «Dilrabolar» kabi)ni katta aşula uslubida aytgan. J. Sultanov, M. Uzoqov singari önlab xalq san'atkorlarining ustozi bölgan.
Asl matn (kirill, PDF'dagidek)
МАМАТБУВА ҲОФИЗ (асли Мухаммад Сатторов; 1885.14.1 — Марғилон — 1969.4.3) — Ўзбекистон халқ ҳофизи (1941). Халқ хонанда ва созандалари (Болтабой ҳофиз ва б.)дан халқ ашула йўлларини ўрганган. Ҳамза бошчилигидаги агитбригада, Ўзбек этнографик труппасида (1925—26), Ҳамза театрида (1926—30) хонанда. Уруш йиллари Янгийўл мусиқали драма ва комедия театри студиясида ёш санъаткорларга ашула йўлларини ўргатган. Г. Рахимова раҳбарлигидаги фронт концерт бригадасида хизмат қилган. М. ҳ. «Кўп эрди ҳасратим», «Бир келсун», «Айладинг», «Кулинг», «Фиғонким», «Сайдинг қўя бер, сайёд» каби катта ашулаларни маҳорат б-н ижро этган. У «Ушшоқ», «Чоргоҳ», «Муножот», «Сегоҳ» ашула йўлларини, айрим замонавий қўшиқлар («Узбекистондир», «Шодлик этсангчи ёшлар», «Дилраболар» каби)ни катта ашула услубида айтган. Ж. Султанов, М. Узоқов сингари ўнлаб халқ санъаткорларининг устози бўлган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.