Ma'mura Zokirjonovna Ergaşeva
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 178-b. — ziyouz.com
Ergaşeva Ma'mura Zokirjonovna (1951.25.1, Toşkent) — raqqosa, baletmeyster. Özbekiston xalqartisti (1983). Toşkent xoreografiya bilim yurtini (1969), Toşkent çet tillar instituti (fransuz bölimi)ni tugatgan (1977). 1969 yildan «Bahor» ansamblida raqqosa, baletmeyster, 1990 yildan ansamblning badiiy rahbari. E. repertuaridan jahon xalqlari raqslari, özbek mumtoz va zamonaviy raqslari keng örin olgan: «Gulsara», «Nozanin», «Munojot», «Larzon», «Lazgi», «Tanavor», «Arabça», «Yaponça», «Ispança», «Kuba raqsi», «Eronça», «Afğonça», «Farğona ruboiysi», «Rohat», «Pilla», «Mustafo», «Alvido, Tokio», «Ön sakkiz yoşimda», «Örik gullaganda» va boşqalar şular jumlasidan. Baletmeyster sifatida «Navrözi ajam», «Fiğonkim», «Sumalak», «Özbekiston makonim», «Tavois», «Bahor naşidasi» singari raqslarni sahnalaştirgan. Respublikada ötkaziladigan katta bayramlar («Navröz», «Mustaqillik» va boşqalar) da boş baletmeyster sifatida faoliyat körsatib keladi. «Özbektelefilm» tomonidan «Ma'mura Ergaşeva raqsga tuşadi» nomli videofilm işlangan (1985). «Mehnat şuhrati» ordeni (1999), «Şuhrat» medali (1998) bilan mukofotlangan.
Asl matn (kirill, PDF'dagidek)
ЭРГАШЕВА Маъмура Зокиржоновна (1951.25.1, Тошкент) — раққоса, балетмейстер. Ўзбекистон халқартисти (1983). Тошкент хореография билим юртини (1969), Тошкент чет тиллар институти (француз бўлими)ни тугатган (1977). 1969 йилдан «Баҳор» ансамблида раққоса, балетмейстер, 1990 йилдан ансамблнинг бадиий раҳбари. Э. репертуаридан жаҳон халқлари рақслари, ўзбек мумтоз ва замонавий рақслари кенг ўрин олган: «Гулсара», «Нозанин», «Муножот», «Ларзон», «Лазги», «Танавор», «Арабча», «Японча», «Испанча», «Куба рақси», «Эронча», «Афғонча», «Фарғона рубоийси», «Роҳат», «Пилла», «Мустафо», «Алвидо, Токио», «Ўн саккиз ёшимда», «Ўрик гуллаганда» ва бошқалар шулар жумласидан. Балетмейстер сифатида «Наврўзи ажам», «Фиғонким», «Сумалак», «Ўзбекистон маконим», «Тавоис», «Баҳор нашидаси» сингари рақсларни саҳналаштирган. Республикада ўтказиладиган катта байрамлар («Наврўз», «Мустақиллик» ва бошқалар) да бош балетмейстер сифатида фаолият кўрсатиб келади. «Ўзбектелефильм» томонидан «Маъмура Эргашева рақсга тушади» номли видеофильм ишланган (1985). «Меҳнат шуҳрати» ордени (1999), «Шуҳрат» медали (1998) билан мукофотланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.