Manila
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 176–177-b. — ziyouz.com
Manila — Filippin Respublikasi poytaxti. Luson o.ning jan.-ğarbida, Manila qöltiği sohilida. Iqlimi subekvatorial iqlim, avg.—sent.da tayfunlar böladi. Aholisi 1,6 mln. kişi (2000). Katta M. şahar va uning atrofi, bir neça qişloq va yöldoş şaharlarni öz içiga olgan konurba-siyani (mayd. 832 km2) taşkil etadi. Şahar 16-a.ning 2-yarmida ispan konkistadorlari qurgan qal'a örnida vujudga kelgan. 1574 y.dan Ispaniya mu-stamlakasining ma'muriy markazi, 1898 y.da AQŞ tomonidan egallangan. 1942—45 y.larda Yaponiya bosib olgan. 1946 y.dan Filippin Respublikasi poytaxti.
M. — mamlakatning muhim iqtisodiy va madaniy markazi. Savdo va transport yöllari tuguni. M. porti orqali mamlakat importining deyarli hammasi, eksportining yarmidan ortiq qismi ötadi (yillik yuk ortib-tuşiriş 12 mln. t atrofida). Katta M.da mamlakat sanoat korxonalarining 2/3 qismi joylaşgan. Tikuvçilik, poyabzal, oziq-ovqat, yoğoçsozlik, neftni qayta işlaş, maşinasozlik sanoati korxonalari, kema verfi mavjud. Un-tlar, Filippin madaniyat markazi (teatr, muzey, badiiy galereya, kutubxonani öz içiga olgan majmua), milliy muzey, San-Tomas muzeyi, filarmoniya bor. Me'moriy yodgorliklardan Intramuros r-nida (sobiq ispan kal'asi) 16—18-a.larda qurilgan binolar saqlangan.
Asl matn (kirill, PDF'dagidek)
МАНИЛА — Филиппин Республикаси пойтахти. Лусон о.нинг жан.-ғарбида, Манила қўлтиғи соҳилида. Иқлими субэкваториал иқлим, авг.—сент.да тайфунлар бўлади. Аҳолиси 1,6 млн. киши (2000). Катта М. шаҳар ва унинг атрофи, бир неча қишлоқ ва йўлдош шаҳарларни ўз ичига олган конурба-цияни (майд. 832 км2) ташкил этади. Шаҳар 16-а.нинг 2-ярмида испан конкистадорлари қурган қалъа ўрнида вужудга келган. 1574 й.дан Испания му-стамлакасининг маъмурий маркази, 1898 й.да АҚШ томонидан эгалланган. 1942—45 й.ларда Япония босиб олган. 1946 й.дан Филиппин Республикаси пойтахти.
М. — мамлакатнинг муҳим иқтисодий ва маданий маркази. Савдо ва транспорт йўллари тугуни. М. порти орқали мамлакат импортининг деярли ҳаммаси, экспортининг ярмидан ортиқ қисми ўтади (йиллик юк ортиб-тушириш 12 млн. т атрофида). Катта М.да мамлакат саноат корхоналарининг 2/3 қисми жойлашган. Тикувчилик, пойабзал, озиқ-овқат, ёғочсозлик, нефтни қайта ишлаш, машинасозлик саноати корхоналари, кема верфи мавжуд. Ун-тлар, Филиппин маданият маркази (театр, музей, бадиий галерея, кутубхонани ўз ичига олган мажмуа), миллий музей, Сан-Томас музейи, филармония бор. Меъморий ёдгорликлардан Интрамурос р-нида (собиқ испан калъаси) 16—18-а.ларда қурилган бинолар сақланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.