Mansabdor şaxs ustidan şikoyat
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 182-b. — ziyouz.com
Mansabdor şaxs ustidan şikoyat — fuqarolarning öz buzilgan huquq va erkinliklarini tiklab olişni talab qilib yuqori organ yoxud mansabdor şaxs yoki sudga murojaat qiliş huquqi. Bunday huquq ÖzR Konstitutsiyasida kafolatlangan (44modda). Bu konstitutsiyaviy normaning rivoji sifatida «Fuqarolarning huquklari va erkinliklarini buzadigan xattiharakatlar va qarorlar ustidan sudga şikoyat qiliş töğrisida» (1995 y. 30 avg.) va «Fuqarolarning murojaatlari töğrisida» (2002 y. dek.) qonunlar qabul qilingan. Qonunga köra, ÖzR fuqarolari davlat organlariga, mansabdor şaxslarga arizalar, takliflar va şikoyatlar b-n murojaat qilişlari mumkin. Xorijiy davlatlar fuqarolari va fuqaroligi bölmagan şaxslar ÖzR davlat organlariga qonunga muvofiq murojaat qiladilar. Tobelik tartibida yuqori turuvçi organ, mansabdor şaxs şikoyatni 1 oylik muddatda körib çiqişi şart. Agar fuqaroning şikoyatini qanoatlantiriş rad qilingan yoki fuqaro 1 oy muddat mobaynida öz şikoyatiga javob olmagan bölsa, u sudga murojaat qilişga haqli. Şikoyatni fuqaro yoki uning vakili, şuningdek, fuqaroning iltimosiga köra, jamoat birlaşmasining, mehnat jamoasining vakolatli vakili berişi mumkin. Şikoyat fuqaroning xohişiga qarab u yaşaydigan joydagi sudga yoki davlat organi joylaşgan yerdagi yoxud mansabdor şaxsning iş joyi hududidagi sudga beriladi. Harbiy xizmatçilar özla-
rining huquq va erkinliklarini buzayotgan harbiy boşqaruv organlari va harbiy mansabdor şaxslarning xatti-harakatlari ustidan şikoyat b-n harbiy sudga, şuningdek, yuqori turuvçi mansabdor şaxslarga murojaat qilişga haqli.
Mirzayusuf Rustamboyev.
Asl matn (kirill, PDF'dagidek)
МАНСАБДОР ШАХС УСТИДАН ШИКОЯТ — фуқароларнинг ўз бузилган ҳуқуқ ва эркинликларини тиклаб олишни талаб қилиб юқори орган ёхуд мансабдор шахс ёки судга мурожаат қилиш ҳуқуқи. Бундай ҳуқуқ ЎзР Конституциясида кафолатланган (44модда). Бу конституциявий норманинг ривожи сифатида «Фуқароларнинг ҳуқуклари ва эркинликларини бузадиган хаттиҳаракатлар ва қарорлар устидан судга шикоят қилиш тўғрисида» (1995 й. 30 авг.) ва «Фуқароларнинг мурожаатлари тўғрисида» (2002 й. дек.) қонунлар қабул қилинган. Қонунга кўра, ЎзР фуқаролари давлат органларига, мансабдор шахсларга аризалар, таклифлар ва шикоятлар б-н мурожаат қилишлари мумкин. Хорижий давлатлар фуқаролари ва фуқаролиги бўлмаган шахслар ЎзР давлат органларига қонунга мувофиқ мурожаат қиладилар. Тобелик тартибида юқори турувчи орган, мансабдор шахс шикоятни 1 ойлик муддатда кўриб чиқиши шарт. Агар фуқаронинг шикоятини қаноатлантириш рад қилинган ёки фуқаро 1 ой муддат мобайнида ўз шикоятига жавоб олмаган бўлса, у судга мурожаат қилишга ҳақли. Шикоятни фуқаро ёки унинг вакили, шунингдек, фуқаронинг илтимосига кўра, жамоат бирлашмасининг, меҳнат жамоасининг ваколатли вакили бериши мумкин. Шикоят фуқаронинг хоҳишига қараб у яшайдиган жойдаги судга ёки давлат органи жойлашган ердаги ёхуд мансабдор шахснинг иш жойи ҳудудидаги судга берилади. Ҳарбий хизматчилар ўзла-
рининг ҳуқуқ ва эркинликларини бузаётган ҳарбий бошқарув органлари ва ҳарбий мансабдор шахсларнинг хатти-ҳаракатлари устидан шикоят б-н ҳарбий судга, шунингдек, юқори турувчи мансабдор шахсларга мурожаат қилишга ҳақли.
Мирзаюсуф Рустамбоев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.