Mansabdorlik jinoyatlari
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 182–183-b. — ziyouz.com
Mansabdorlik jinoyatlari - mansabdor şaxs tomonidan uning mansab vakolati b-n belgilangan majburiyatlarini buzişi oqibatida fuqarolarning huquqlari yoki qonun b-n qöriklanadigan manfaatlariga yoxud davlat yoki jamiyat manfaatlariga köp mikdorda zarar yoki jiddiy ziyon yetkazilişi (köp miqdordagi zarar — eng kam oylik iş haqining 100 baravaridan 300 baravarigaça bölgan miqdordagi zarardir. Jiddiy ziyon — yetkazilgan moddiy ziyonning xususiyati, ma'naviy ziyonning oğirligi, jabrlangan şaxslar soni va ş.k. holatlar hisobga olingan holda aniqlanadi). M.j. davlat hokimiyati, davlat xizmati, mahalliy hokimiyat va özini-özi boşqariş organlarining normal fa-oliyatiga tajovuz qiladi. M.j. mansabdor şaxsning mansab vakolatlari b-n belgilangan imkoniyatlardan foydalanib biror bir harakatni, öz manfaatini közlagan holda bajarişi yoki bajarmasligi yoxud öz vazifa va maj-buriyatlariga sovuqqonlik b-n munosabatda bölişi orqali sodir etiladi. Özbekiston Respublikasi JKda fukarolarning murojaatlari töğrisidagi, saylov yoki referendum ötkaziş b-n boğliq qonun hujjatlarini, ekologiya xavfsizligiga oid normalar va talablarni buziş, hokimiyat yoki mansab vakolatini suiiste'mol qiliş, mansab vazifalariga nisbatan loqaydlik b-n munosabatda böliş, hokimiyat harakatsizligi, poraxörlik, aybsiz kişini javobgarlikka tortiş, sud qarorini bajarmaslik, qonunga xilof ravişda uşlab turiş yoki hibsga oliş, körsatuv berişga majbur qiliş va ş.k. uçun jinoiy javobgarlik belgilangan. M.j.ning ijtimoiy xavflilikdarajasi nihoyatda yuqoridir. Bunday jinoyatlarni sodir etiş fuqarolarning qonuniy haq-xuquklarini buzişga, davlat va jamoat manfaatlariga ziyon yetkazilişiga olib keladi. Bu esa davlat hokimiyati organlarining fa-oliyatiga, davlatga hurmatsizlik, işonçsizlik hissini paydo qiladi. Mirzayusuf Rustamboyev.
Asl matn (kirill, PDF'dagidek)
МАНСАБДОРЛИК ЖИНОЯТЛАРИ - мансабдор шахс томонидан унинг мансаб ваколати б-н белгиланган мажбуриятларини бузиши оқибатида фуқароларнинг ҳуқуқлари ёки қонун б-н қўрикланадиган манфаатларига ёхуд давлат ёки жамият манфаатларига кўп микдорда зарар ёки жиддий зиён етказилиши (кўп миқдордаги зарар — энг кам ойлик иш ҳақининг 100 бараваридан 300 бараваригача бўлган миқдордаги зарардир. Жиддий зиён — етказилган моддий зиённинг хусусияти, маънавий зиённинг оғирлиги, жабрланган шахслар сони ва ш.к. ҳолатлар ҳисобга олинган ҳолда аниқланади). М.ж. давлат ҳокимияти, давлат хизмати, маҳаллий ҳокимият ва ўзини-ўзи бошқариш органларининг нормал фа-олиятига тажовуз қилади. М.ж. мансабдор шахснинг мансаб ваколатлари б-н белгиланган имкониятлардан фойдаланиб бирор бир ҳаракатни, ўз манфаатини кўзлаган ҳолда бажариши ёки бажармаслиги ёхуд ўз вазифа ва маж-буриятларига совуққонлик б-н муносабатда бўлиши орқали содир этилади. Ўзбекистон Республикаси ЖКда фукароларнинг мурожаатлари тўғрисидаги, сайлов ёки референдум ўтказиш б-н боғлиқ қонун ҳужжатларини, экология хавфсизлигига оид нормалар ва талабларни бузиш, ҳокимият ёки мансаб ваколатини суиистеъмол қилиш, мансаб вазифаларига нисбатан лоқайдлик б-н муносабатда бўлиш, ҳокимият ҳаракатсизлиги, порахўрлик, айбсиз кишини жавобгарликка тортиш, суд қарорини бажармаслик, қонунга хилоф равишда ушлаб туриш ёки ҳибсга олиш, кўрсатув беришга мажбур қилиш ва ш.к. учун жиноий жавобгарлик белгиланган. М.ж.нинг ижтимоий хавфлиликдаражаси ниҳоятда юқоридир. Бундай жиноятларни содир этиш фуқароларнинг қонуний ҳақ-хуқукларини бузишга, давлат ва жамоат манфаатларига зиён етказилишига олиб келади. Бу эса давлат ҳокимияти органларининг фа-олиятига, давлатга ҳурматсизлик, ишончсизлик ҳиссини пайдо қилади. Мирзаюсуф Рустамбоев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.