Marsel Marso
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 252-b. — ziyouz.com
Marso Marsel (1923.22.3, Strasburg, Fransiya) — pantomima san'ati rivojiga katta hissa qöşgan fransuz mim aktyori. 1940-y.larda Sara Bernar teatri qoşidagi dramatik studi-yada aktyorlik mahoratidan ta'lim olgan, keyinroq Ş. Dyullen va E. Dekru kabi sahna ustalaridan pantomima sirlarini örgangan. 1947 y. Parijda «Mimlar hamdöstligi» truppasini taşkil etib, 1960 y.gaça unga rahbarlik qilgan. Örta asrlardagi «Komediya del arte» teatri qahramoni Pyero va Çarli Çaplin ta'sirida yaratilgan Bip obrazi orqali bir qança pantomimik spektakllar («Bip-sport qiroli», «Bip — skripkaçi», «Bip — hayvon urgatuvçi», «Parij yiğlamoqda», «Parij kulmoqda», «Yarmarka», «Rassom» va b.) yaratdi. «Öspirinlik, yetuklik, qarilik, ölim» nomli miniatyurasi b-n maşhurligi yanada oşdi. M. ijodi mim san'ati an'analarini rivojlantirişga qöşgan katta hissasi, çuqur insoniy haqiqat b-n suğorilganligi, fikr ötkirligi, yorqin obrazlar umumlaşmasi b-n ajralib turadi. 1978 y. Parijda pantomima maktabini taşkil etdi va hozirgaça unga rahbarlik qilib kelmoqda. Pantomima tarixi va nazariyasiga oid kitoblar muallifi.
Asl matn (kirill, PDF'dagidek)
МАРСО Марсель (1923.22.3, Страсбург, Франция) — пантомима санъати ривожига катта ҳисса қўшган француз мим актёри. 1940-й.ларда Сара Бернар театри қошидаги драматик студи-яда актёрлик маҳоратидан таълим олган, кейинроқ Ш. Дюллен ва Э. Декру каби саҳна усталаридан пантомима сирларини ўрганган. 1947 й. Парижда «Мимлар ҳамдўстлиги» труппасини ташкил этиб, 1960 й.гача унга раҳбарлик қилган. Ўрта асрлардаги «Комедия дель арте» театри қаҳрамони Пьеро ва Чарли Чаплин таъсирида яратилган Бип образи орқали бир қанча пантомимик спектакллар («Бип-спорт қироли», «Бип — скрипкачи», «Бип — ҳайвон ургатувчи», «Париж йиғламоқда», «Париж кулмоқда», «Ярмарка», «Рассом» ва б.) яратди. «Ўспиринлик, етуклик, қарилик, ўлим» номли миниатюраси б-н машҳурлиги янада ошди. М. ижоди мим санъати анъаналарини ривожлантиришга қўшган катта ҳиссаси, чуқур инсоний ҳақиқат б-н суғорилганлиги, фикр ўткирлиги, ёрқин образлар умумлашмаси б-н ажралиб туради. 1978 й. Парижда пантомима мактабини ташкил этди ва ҳозиргача унга раҳбарлик қилиб келмоқда. Пантомима тарихи ва назариясига оид китоблар муаллифи.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.