Maşina detallari

Maşina detallari - 1) bir jinsli materialdan yiğib tayyorlanadigan maşina, asboblar, apparatlar yoki qurilmalar qismi; umumiy va maxsus işlarga möljallangan xillari bor. Umumiy işlarga möljallangan M. d.ga köpgina maşinalar, asboblar va b. uçun tipik bölgan detallar (mas, tişli ğildiraklar, vallar, öqlar, boltlar, şponkalar, gaykalar), şuningdek, egiluvçan (qayişqoq) va korpus detallar kiradi. Egiluvçan M. d. zarb energiyasini titraşlar va b.ni söndiriş uçun işlatiladi; bularga membrana, prujina, rezina vtulkalari va qistirmalar, ressoralar va b. kiradi. Korpus M. d. maşinadagi ta'sir etuvçi asosiy kuçlarni qabul qiladi; bularga poydevor ramalari, plitalar, staninalar kiradi. M. d. aloxida guru-hini moylaş qurilmalari va moy ötkazgiçlarning detallari (filtrlar, ştutserlar, moy körsatkiçlar va b.) taşkil etadi. Maxsus işlarga möljallangan M. d.ga faqat ma'lum turdagi maşinalarning detallari (turbina kuraklari, tirsakli vallar, havo vintlari va b.) taallukdi böladi; 2) maşina detallarining nazariyasi, ularni hisoblaş va quriş haqidagi ilmiy fan; maşina va mexanizmlar nazariyasi, materiallar qarşiligi, materialşunoslik b-n, detallarni texnik çizma yordamida tayyorlaş va yigiş b-n, buyumlarning puxtaligi hamda texnik diagnostikasi b-n boğliq.

Özbekiston Respublikasida M. d. sohasidagi i. t. lar Özbekiston FA Mexanika va inşootlarning seysmik mustahkamligi in-tida, Toşkent texnika untida, Toşkent avtomobil yöllari va transport in-ti, Toşkent temir yöl muhandislari in-ti va b.da olib borilmoqda.