Me'dani yuviş
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 478–479-b. — ziyouz.com
Me'dani yuviş — turli moddalardan zaharlanganda, sifatsiz ovqat yeb qöyganda, şu moddalar yoki ovqat qoldiklarini me'dadan çiqarib taşlaş maqsadida qöllanilgan muolaja. Bemorning ahvoliga qarab u ötirgan yoki yotgan holatida qilinadi. Me'da zond b-n yoki oddiy usulda yuviladi. Zond orqali yuvganda 600—800 ml iliq suvga 2% li natriy gidrokarbonat yoki kaliy permanganat eritmasi qöşib me'daga yuboriladi va qayta sörib olinadi. Me'daga yuboriladigan suv toza bölib qaytib tuşmaguniça M. yu. takrorlanaveradi. Buning uçun 8—10 l ça suyuqlik işlatiladi. Muolajani tibbiyot xodimi bajaradi. Uy şaroitida (hayot uçun xavfli zaharlaniş hollari röy berganida, vraç yetib kelgunga qadar) yoki zond b-n yuviş mumkin bölmaganda oddiy usul qöllanadi. Buning uçun bemorga ketma-ket 5—6 stakan iliq suv içirib qustiriladi. Bu oddiy usulni bir neça marta takrorlaş lozim. Me'da yuvib bölingaç, bemor issiq öringa yotqizilib, orom beriladi; oğzini çayganidan söng 1—2 qultum issiq çoy içiriladi.
Asl matn (kirill, PDF'dagidek)
МЕЪДАНИ ЮВИШ — турли моддалардан заҳарланганда, сифатсиз овқат еб қўйганда, шу моддалар ёки овқат қолдикларини меъдадан чиқариб ташлаш мақсадида қўлланилган муолажа. Беморнинг аҳволига қараб у ўтирган ёки ётган ҳолатида қилинади. Меъда зонд б-н ёки оддий усулда ювилади. Зонд орқали ювганда 600—800 мл илиқ сувга 2% ли натрий гидрокарбонат ёки калий перманганат эритмаси қўшиб меъдага юборилади ва қайта сўриб олинади. Меъдага юбориладиган сув тоза бўлиб қайтиб тушмагунича М. ю. такрорланаверади. Бунинг учун 8—10 л ча суюқлик ишлатилади. Муолажани тиббиёт ходими бажаради. Уй шароитида (ҳаёт учун хавфли заҳарланиш ҳоллари рўй берганида, врач етиб келгунга қадар) ёки зонд б-н ювиш мумкин бўлмаганда оддий усул қўлланади. Бунинг учун беморга кетма-кет 5—6 стакан илиқ сув ичириб қустирилади. Бу оддий усулни бир неча марта такрорлаш лозим. Меъда ювиб бўлингач, бемор иссиқ ўринга ётқизилиб, ором берилади; оғзини чайганидан сўнг 1—2 қултум иссиқ чой ичирилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.