Metodik peç
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 461-b. — ziyouz.com
Metodik peç — metall zagotovkani bolğalab, prokatlab yoki ştamplab işlov berişdan oldin qizdiriş uçun möljallangan peç. Unda metall zagotovkalar uzluksiz harakatlanib turadi, ularni muayyan rejimda asta-sekin (metodik tarzda) qizdirib boriladi. M. p.da metodik zona; payvandlaş va tindiriş zonalari böladi. Metodik zonada zagotovka dastlabki qizdiriş jarayonidan ötadi, payvandlaş zonasida bir neçta birin-ketin joylaşgan zonaçalar bölib, ularda zagotovka asta-sekin qizdirib boriladi, tindiriş zonasida haligi qizigan zagotovka muayyan muddat uşlab turilib t-rasi tenglaştiriladi, ya'ni tindiriladi. M. p.da zagotovka yoniş mahsulotlari oqimiga qarama-qarşi harakatlanadi.
M. p. tuzilişi jihatdan har xil, lekin iş tartibi böyiça bir xil buladi. Unda gazsimon yoki suyuq yoqilği yoqiladi. Katta M. p.lar iş qismining uz. 50 m gaça, eni 13 m gaça, iş unumdorligi 400 t/soat dan ortiq bölişi mumkin. M. p. deyarli barça yirik maşinasoxçik z-dlarida qöllaniladi.
Asl matn (kirill, PDF'dagidek)
МЕТОДИК ПЕЧЬ — металл заготовкани болғалаб, прокатлаб ёки штамплаб ишлов беришдан олдин қиздириш учун мўлжалланган печь. Унда металл заготовкалар узлуксиз ҳаракатланиб туради, уларни муайян режимда аста-секин (методик тарзда) қиздириб борилади. М. п.да методик зона; пайвандлаш ва тиндириш зоналари бўлади. Методик зонада заготовка дастлабки қиздириш жараёнидан ўтади, пайвандлаш зонасида бир нечта бирин-кетин жойлашган зоначалар бўлиб, уларда заготовка аста-секин қиздириб борилади, тиндириш зонасида ҳалиги қизиган заготовка муайян муддат ушлаб турилиб т-раси тенглаштирилади, яъни тиндирилади. М. п.да заготовка ёниш маҳсулотлари оқимига қарама-қарши ҳаракатланади.
М. п. тузилиши жиҳатдан ҳар хил, лекин иш тартиби бўйича бир хил булади. Унда газсимон ёки суюқ ёқилғи ёқилади. Катта М. п.лар иш қисмининг уз. 50 м гача, эни 13 м гача, иш унумдорлиги 400 т/соат дан ортиқ бўлиши мумкин. М. п. деярли барча йирик машинасохчик з-дларида қўлланилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.