Metsso-soprano
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 475-b. — ziyouz.com
Metsso-soprano (ital. — mezzo — örta va soprano) — ayollarning soprano va kontralto orasidagi ovozi. Diapazoni kiçik oktava «lya», «si» tovuşidan ikkinçi oktava «si»gaça (a-h — h2). M.-s. ovozlari örta registrdagi tovuşlarning tölaqonliligi, yuqori pardalarining ötkirligi, pastki, «kökrak» registr mavjudligi b-n soprano ovozdan ajralib turadi. M.-s. ovozi uçun yozilgan maşhur opera partiyalari: Amneris (J. Verdi, «Aida»), Karmen (J. Vize, «Karmen»), Lyubaşa (N. Rimskiy-Korsakov, «Podşoning kelini»), Dalila (K. Sen-Sane, «Samson va Dalila») va b. R. Gorr (Belgiya), A. Myurrey (Irlandiya), M. Gay (Ispaniya), S. Siminioto (Italiya), I. Arxipova, N. Terentyeva (Rossiya), K. Txorborg (Şvetsiya)lar M.- s. ovozi b-n maşhur. Özbekistonda Maysara (S. Yudakov, «Maysaraning işi»), Halima (H. Rahimov, «Zafar») kabi M.-s. ga möljallangan boş opera partiyalarni H. Nosirova katta mahorat b-n talqin etgan.
Asl matn (kirill, PDF'dagidek)
МЕЦЦО-СОПРАНО (итал. — mezzo — ўрта ва сопрано) — аёлларнинг сопрано ва контральто орасидаги овози. Диапазони кичик октава «ля», «си» товушидан иккинчи октава «си»гача (a-h — h2). М.-с. овозлари ўрта регистрдаги товушларнинг тўлақонлилиги, юқори пардаларининг ўткирлиги, пастки, «кўкрак» регистр мавжудлиги б-н сопрано овоздан ажралиб туради. М.-с. овози учун ёзилган машҳур опера партиялари: Амнерис (Ж. Верди, «Аида»), Кармен (Ж. Визе, «Кармен»), Любаша (Н. Римский-Корсаков, «Подшонинг келини»), Далила (К. Сен-Сане, «Самсон ва Далила») ва б. Р. Горр (Бельгия), А. Мюррей (Ирландия), М. Гай (Испания), Ц. Симиниото (Италия), И. Архипова, Н. Терентьева (Россия), К. Тхорборг (Швеция)лар М.- с. овози б-н машҳур. Ўзбекистонда Майсара (С. Юдаков, «Майсаранинг иши»), Ҳалима (Ҳ. Раҳимов, «Зафар») каби М.-с. га мўлжалланган бош опера партияларни Ҳ. Носирова катта маҳорат б-н талқин этган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.