Mikroneziya

Mikroneziya — Okeaniyadagi bir guruh mayda orollar, Tinç okeanning ğarbiy qismida. 1500 dan ortiq oroldan iborat. Eng yirik orollar guruhi: Mariana, Karolina, Marşall, Gilbert, Panaba, Nauru va b. Mayd. 2,6 ming km2. Kelib çiqişiga köra, mar-jon va vulkan orollar. Eng baland joyi 965 m (Mariana o.larida). Doim yaşil tropik örmonlar va butazorlar b-n krplangan. Kokos plantatsiyalari bor. Aholisi tropik dehqonçilik va baliq ovlaş b-n şuğullanadi.

17—19-a.larda M. (Karolina, Marşall va Mariana o.lari) Ispaniya mustamlakasi bölgan. 1885 y.da Germaniya Marşall o.larini Ispaniyadan tortib olgan, 1898 y.da esa Karolina va Mariana o.larini sotib oldi. 1914 y.da orollarni yaponlar bosib oldilar, 1920 y.da esa Millatlar Ligasidan Yaponiya ularni boşqarişga mandat oddi. 1945 y.da orollar AQŞ qöl ostiga ötdi. 1947 y.dan boşlab BMT qaroriga köra, M. AQŞ tomonidan boşqariladigan BMT vasiyligidagi hudud maqomini oldi (Vasiylikdagi Tinç okean o.lari hududi). 1970-y.lar oxiri — 80-y.larda M.ning vasiylikdagi turli qismlari b-n AQŞ örtasida AQŞ b-n «erkin uyuşganlik» töğrisidagi bitim imzolandi. M. 4 ta davlat tuzilişiga ega: Mikroneziya Federativ Ştatlari, Marşall Orollari Respublikasi, Palau Respublikasi va Şim. Mariana Orollari Ham-döstligi. M. orollarida, şuningdek, qisman Nauru va Kiribati davlatlari ham joylaşgan.