Milliy olimpiada qömitasi
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 547–548-b. — ziyouz.com
Milliy olimpiada qömitasi (MOQ) — mamlakat nomidan olimpiada harakatida vakil bölib qatnaşuvçi taşkilot. MOQni Xalqaro olimpiada qömitasi (XOQ) tan olmasa, milliy jamoalar Olimpiada öyinlariga qöyilmaysi. Özbekiston Respublikasi MOQ 1992 y. 21 yanv.da taşkil topgan, 1993 y. sent.da XOQ tomonidan tasdiqlangan. MOQning maqsadlari: olimpiada harakati va havaskorlar sportini rivojlantirişga yordam beriş; mamlakat sportçilarining Olimpiada öyinlarida iştirok etişini ta'minlaş; Özbekiston va butun dunyo sportçilari örtasidagi döstlik aloqalarini rivojlantiriş. MOQning oliy organi Boş assambleya, u odatda, bir yilda kamida bir marta çaqiriladi. Assam-bleyalar orasidagi davr içida MOQ ijroiya qömitasi olimpiada harakatiga rahbarlik qiladi. Uning tarkibiga prezident, 3 vitse-prezident, boş kotib, boş direktor va 7 a'zo kiradi. Ular 4 y. muddatga saylanadi. Özbekiston Respublikasi MOQ manzili — Toşkent ş.
Özbekiston Respublikasi MOQ rahbarligida iş olib boruvçi ÖzR Olimpiya akademiyasi taşkil qilingan (1993). U köngilli jamoat taşkiloti hisoblanib, olimpiada harakati va olimpiada öyinlarining qadriyat va tamoyillarini örganadi va ommalaştiradi. Olimpiada ğoyalarini tarğib qiliş maqsadida Toşkentda Özbekiston Olimpiya şon-şuhrati muzeyi taşkil etildi (1996). Muzeyda Özbekiston va xalqaro olimpiya harakati, milliy sport turlari tarixi, maşhur sportçilar erişgan muvaffaqi-yatlardan hikoya qiluvçi eksponatlar töplangan.
Asl matn (kirill, PDF'dagidek)
МИЛЛИЙ ОЛИМПИАДА ҚЎМИТАСИ (МОҚ) — мамлакат номидан олимпиада ҳаракатида вакил бўлиб қатнашувчи ташкилот. МОҚни Халқаро олимпиада қўмитаси (ХОҚ) тан олмаса, миллий жамоалар Олимпиада ўйинларига қўйилмайци. Ўзбекистон Республикаси МОҚ 1992 й. 21 янв.да ташкил топган, 1993 й. сент.да ХОҚ томонидан тасдиқланган. МОҚнинг мақсадлари: олимпиада ҳаракати ва ҳаваскорлар спортини ривожлантиришга ёрдам бериш; мамлакат спортчиларининг Олимпиада ўйинларида иштирок этишини таъминлаш; Ўзбекистон ва бутун дунё спортчилари ўртасидаги дўстлик алоқаларини ривожлантириш. МОҚнинг олий органи Бош ассамблея, у одатда, бир йилда камида бир марта чақирилади. Ассам-блеялар орасидаги давр ичида МОҚ ижроия қўмитаси олимпиада ҳаракатига раҳбарлик қилади. Унинг таркибига президент, 3 вице-президент, бош котиб, бош директор ва 7 аъзо киради. Улар 4 й. муддатга сайланади. Ўзбекистон Республикаси МОҚ манзили — Тошкент ш.
Ўзбекистон Республикаси МОҚ раҳбарлигида иш олиб борувчи ЎзР Олимпия академияси ташкил қилинган (1993). У кўнгилли жамоат ташкилоти ҳисобланиб, олимпиада ҳаракати ва олимпиада ўйинларининг қадрият ва тамойилларини ўрганади ва оммалаштиради. Олимпиада ғояларини тарғиб қилиш мақсадида Тошкентда Ўзбекистон Олимпия шон-шуҳрати музейи ташкил этилди (1996). Музейда Ўзбекистон ва халқаро олимпия ҳаракати, миллий спорт турлари тарихи, машҳур спортчилар эришган муваффақи-ятлардан ҳикоя қилувчи экспонатлар тўпланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.