Mir Ali Hiraviy
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 587-b. — ziyouz.com
Mir Ali Hiraviy (?, Hirot -1557) — xattot va şoir. Xattotlik san'atini Zayniddin Mahmud va Sultonali Maşhadiydan örgangan. Hirotda Sulton Husayn Mirzo va Buxoroda Abdulazizxon (1529 y.dan) kutubxonalarida xizmat qilgan. M.A.H. nafis xati hamda tez yoza olişi b-n zamondoş xattotlardan ajralib turgan, uz nomiga «Sultoni» yoki «Kotibi Sultoni» unvonini qöşib yoziş huquqiga ega bölgan. Movarounnahrda nasta'liq xatining tarqalişida katta xizmat qilgan, köplab şogirdlar tayyorlagan. «Medod ul-xutut» (1520) nomli risola yozib, unda xattotlik qoidalarini bayon etgan. U köçirgan 30 dan ortiq qölyozmalar va 400 dan ortiq qit'alar bizgaça yetib kelgan: Nizomiy Ganjaviy va Xusrav Dehlaviyning «Xusrav va Şirin» dostonlari (1494, ÖzFAŞIda), Abdurahmon Jomiyning «Tuhfat ul-ahror» (1531, ÖzFAŞIda), Husayn Voiz Koşifiyning «Axloqi muhsiniy» va «Tuhfat assalovot» (1501, ÖzFAŞIda), Ansoriyning «Ilohiynoma» (1531, ÖzFAŞIda) asarlari va b.; qitalarning 60 dan ortiği Sankt-Peterburgdagi Rossiya milliy kutubxonasida va bir qismi ÖzFAŞI fondida saqlanadi.
Ad.: Murodov A., Örta Osiyo xattotlik san'ati tarixidan, T., 1971.
Abdumajid Madraimov.
Asl matn (kirill, PDF'dagidek)
МИР АЛИ ҲИРАВИЙ (?, Ҳирот -1557) — хаттот ва шоир. Хаттотлик санъатини Зайниддин Маҳмуд ва Султонали Машҳадийдан ўрганган. Ҳиротда Султон Ҳусайн Мирзо ва Бухорода Абдулазизхон (1529 й.дан) кутубхоналарида хизмат қилган. М.А.Ҳ. нафис хати ҳамда тез ёза олиши б-н замондош хаттотлардан ажралиб турган, уз номига «Султони» ёки «Котиби Султони» унвонини қўшиб ёзиш ҳуқуқига эга бўлган. Мовароуннаҳрда настаълиқ хатининг тарқалишида катта хизмат қилган, кўплаб шогирдлар тайёрлаган. «Медод ул-хутут» (1520) номли рисола ёзиб, унда хаттотлик қоидаларини баён этган. У кўчирган 30 дан ортиқ қўлёзмалар ва 400 дан ортиқ қитъалар бизгача етиб келган: Низомий Ганжавий ва Хусрав Деҳлавийнинг «Хусрав ва Ширин» достонлари (1494, ЎзФАШИда), Абдураҳмон Жомийнинг «Туҳфат ул-аҳрор» (1531, ЎзФАШИда), Ҳусайн Воиз Кошифийнинг «Ахлоқи муҳсиний» ва «Туҳфат ассаловот» (1501, ЎзФАШИда), Ансорийнинг «Илоҳийнома» (1531, ЎзФАШИда) асарлари ва б.; қитьаларнинг 60 дан ортиғи Санкт-Петербургдаги Россия миллий кутубхонасида ва бир қисми ЎзФАШИ фондида сақланади.
Ад.: Муродов А., Ўрта Осиё хаттотлик санъати тарихидан, Т., 1971.
Абдумажид Мадраимов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.