Mirabdullaxöja Abdiy
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 9-b. — ziyouz.com
Abdiy Mirabdullaxöja (1870 — Bu-xoro — 1922) — şoir va tazkiranavis. A.ning ayrim zamondoşlariga bağişlangan qasida va ğazallaridan namunalar Afzal Primastiyning («Afzal ut-tazkor» (1904) va Ne'matulla Muhtaram («Tazkirat uş-şuaro», 1910) tazkiralarida uçraydi. «Tazkirai Abdiy» (yoki «Tazkirat uş-şuaroi mutaaxxirini Buxoro», «Tazkirat uş-şuaro», 1904) tazkirasida Amir Abdulahad davrida yaşab ijod etgan 118 şoir haqida biografik ma'lumot va asarlaridan namunalar berilgan. Tazkira muqaddima va 28 maqsad (bob) dan iborat. Muqaddimada şe'r va şoirlik haqida fikr yuritiladi. Muallif şoirlarni oddiy, kamtar bölişga, yengil obrö va boylik izidan quvmaslikka undaydi. Boblarda şoirlar ijodiga baho berilgan. Asar 19- a. oxiri — 20- a. boşi Turkiston adabiy harakatçiligini, xususan, özbek-to-jik adabiy aloqalarini örganişda muhim manbalardandir. Jumladan, tazkirada Ahmad Doniş, Vozeh, Şohin, Sadriddin Ayniy, Toşxöja Asiriy kabilar haqida qimmatli ma'lumotlar bor.
Asl matn (kirill, PDF'dagidek)
АБДИЙ Мирабдуллахўжа (1870 — Бу-хоро — 1922) — шоир ва тазкиранавис. А.нинг айрим замондошларига бағишланган қасида ва ғазалларидан намуналар Афзал Примастийнинг («Афзал ут-тазкор» (1904) ва Неъматулла Муҳтарам («Тазкират уш-шуаро», 1910) тазкираларида учрайди. «Тазкираи Абдий» (ёки «Тазкират уш-шуарои мутааххирини Бухоро», «Тазкират уш-шуаро», 1904) тазкирасида Амир Абдулаҳад даврида яшаб ижод этган 118 шоир ҳақида биографик маълумот ва асарларидан намуналар берилган. Тазкира муқаддима ва 28 мақсад (боб) дан иборат. Муқаддимада шеър ва шоирлик ҳақида фикр юритилади. Муаллиф шоирларни оддий, камтар бўлишга, енгил обрў ва бойлик изидан қувмасликка ундайди. Бобларда шоирлар ижодига баҳо берилган. Асар 19- а. охири — 20- а. боши Туркистон адабий ҳаракатчилигини, хусусан, ўзбек-то-жик адабий алоқаларини ўрганишда муҳим манбалардандир. Жумладан, тазкирада Аҳмад Дониш, Возеҳ, Шоҳин, Садриддин Айний, Тошхўжа Асирий кабилар ҳақида қимматли маълумотлар бор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.