Mirsoatov Anvar
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 613–614-b. — ziyouz.com
Mirsoatov Anvar (taxallusi Mirzo Anvar, 1939.13.2, Toşkent) — manzaraçi rassom, rangtasvir ustasi, Özbekiston xalq rassomi (2001). P. Benkov nomidagi Respublika rassomlik bilim yurti (1962) va Nizomiy nomidagi Toşkent pedagogika in-ti (1972) ni tugatgan. M. Ğarbiy Yevropa san'ati, fransuz impressionistlari, ayniqsa, neoimpressionistlari ijodini örgandi, ulardan ta'sirlandi («Mening qöşiğim», 1974 va b.). Rassom ijodida Özbekistonning gözal tabiati, uning gullagan boğlari yetakçi örin egallaydi: «Urgut» turkumi (1980), «Farğona hovlisi» (1986), «Oydin keça» (1988), «Birinçi qor» (1994), «Toğdagi erta bahor» (1994), «Sijjak» (1998), «Boğiston» (2000), «Çorboğ» (2000), «Vatan haqida qöşiq» (2000), «Qişki Çimyon» (2001) va b. M. asarlari respublika va xorijiy (AQŞ, Yaponiya, Angliya, Şvetsiya, Turkiya va b.) mamlakatlar muzeylari va xususiy töplamlarida saqlanadi. 2002 y. dan «Mirzo Anvar manzara galereyasi» işlaydi.
Asl matn (kirill, PDF'dagidek)
МИРСОАТОВ Анвар (тахаллуси Мирзо Анвар, 1939.13.2, Тошкент) — манзарачи рассом, рангтасвир устаси, Ўзбекистон халқ рассоми (2001). П. Беньков номидаги Республика рассомлик билим юрти (1962) ва Низомий номидаги Тошкент педагогика ин-ти (1972) ни тугатган. М. Ғарбий Европа санъати, француз импрессионистлари, айниқса, неоимпрессионистлари ижодини ўрганди, улардан таъсирланди («Менинг қўшиғим», 1974 ва б.). Рассом ижодида Ўзбекистоннинг гўзал табиати, унинг гуллаган боғлари етакчи ўрин эгаллайди: «Ургут» туркуми (1980), «Фарғона ҳовлиси» (1986), «Ойдин кеча» (1988), «Биринчи қор» (1994), «Тоғдаги эрта баҳор» (1994), «Сижжак» (1998), «Боғистон» (2000), «Чорбоғ» (2000), «Ватан ҳақида қўшиқ» (2000), «Қишки Чимён» (2001) ва б. М. асарлари республика ва хорижий (АҚШ, Япония, Англия, Швеция, Туркия ва б.) мамлакатлар музейлари ва хусусий тўпламларида сақланади. 2002 й. дан «Мирзо Анвар манзара галереяси» ишлайди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.