Mirza Salimbek ibn Muhammad Rahim
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 593-b. — ziyouz.com
Mirza Salimbek ibn Muhammad Rahim (1850—1930) — tarixçi, şoir, davlat arbobi, diplomat. M.S. amirlikning Toşkentdagi savdo vakili (1873-85); Yakkaboğ (1893-98), Nurota (1898—1902), Boysun (1902—05), Şerobod (1905—09), Şahrisabz (1910—13), Çorjöy (1920) viloyatlari hokimi, Buxoro mirşabi (1889). 1885 y.da amir Abdulahad jönatgan elçilar tarkibida Peterburgda bölgan. 1920 y. 29 avg. da qizil qöşinlar tomonidan hibsga olingan va amirlikning boşqa amaldorlari b-n Sibirga surgun qilingan. 1922—24 y.larda Buxoro respublikasi «Avkrf», «Anjumani tarix» taşkilotlarida işlagan. Kolesov boşliq kizil qöşinlarning Buxoroga hujumi paytida (1918 y., mart) amirning Kolesov b-n muzokara olib borgan vakillar hay'atiga rahbarlik qilgan, keyin u devonbegi mansabiga, zakotçi lavozimiga kötarilgan (1917—20). M.S. «Tarixi Salimiy» (qadimdan amirlikning 1920 y.gaça tarixi), «Kaşkuli Salimiy» («Salimiyning darveşlar xaltasi») (1913, Toşkent), «Jomei gulzor» («Gulzor majmui») şe'riy asar, «Ahodisile'mol» («Amaldagi hadislar») (1911, Buxoro), «Durratil voizin» («Voizlar soçgan durlar») (1909, Buxoro), «Muxbirul-hikoyot» («Xabar beruvçining hikoyalari») (1908, Toşkent), «Ka'bulaxbor hikoyalari» (1909, Toşkent). M.S. tazkira ham tuzgan. Qori Rahmatulla Vozexning «Tuhfatul-ahbob» («Dilga yaqin kişilarga tuhfa») tazkirasini naşrga tayyorlaşda, öziga zamondoş 100 ga yaqin şoirlar haqidagi ma'lumotlarni unga ilova qilgan.
Naim Norqulov.
Asl matn (kirill, PDF'dagidek)
МИРЗА САЛИМБЕК ибн Муҳаммад Раҳим (1850—1930) — тарихчи, шоир, давлат арбоби, дипломат. М.С. амирликнинг Тошкентдаги савдо вакили (1873-85); Яккабоғ (1893-98), Нурота (1898—1902), Бойсун (1902—05), Шеробод (1905—09), Шаҳрисабз (1910—13), Чоржўй (1920) вилоятлари ҳокими, Бухоро миршаби (1889). 1885 й.да амир Абдулаҳад жўнатган элчилар таркибида Петербургда бўлган. 1920 й. 29 авг. да қизил қўшинлар томонидан ҳибсга олинган ва амирликнинг бошқа амалдорлари б-н Сибирга сургун қилинган. 1922—24 й.ларда Бухоро республикаси «Авкрф», «Анжумани тарих» ташкилотларида ишлаган. Колесов бошлиқ кизил қўшинларнинг Бухорога ҳужуми пайтида (1918 й., март) амирнинг Колесов б-н музокара олиб борган вакиллар ҳайъатига раҳбарлик қилган, кейин у девонбеги мансабига, закотчи лавозимига кўтарилган (1917—20). М.С. «Тарихи Салимий» (қадимдан амирликнинг 1920 й.гача тарихи), «Кашкули Салимий» («Салимийнинг дарвешлар халтаси») (1913, Тошкент), «Жомеи гулзор» («Гулзор мажмуи») шеърий асар, «Аҳодисилэъмол» («Амалдаги ҳадислар») (1911, Бухоро), «Дурратил воизин» («Воизлар сочган дурлар») (1909, Бухоро), «Мухбирул-ҳикоёт» («Хабар берувчининг ҳикоялари») (1908, Тошкент), «Каъбулахбор ҳикоялари» (1909, Тошкент). М.С. тазкира ҳам тузган. Қори Раҳматулла Возехнинг «Туҳфатул-аҳбоб» («Дилга яқин кишиларга туҳфа») тазкирасини нашрга тайёрлашда, ўзига замондош 100 га яқин шоирлар ҳақидаги маълумотларни унга илова қилган.
Наим Норқулов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.