Mizrob masxara
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 513–514-b. — ziyouz.com
Mizrob masxara (1848-1918, Şahrisabz tumani Vordon qişloği) — özbek an'anaviy teatrining atoqli namoyandasi. Boboyor masxarabozga ergaşgan. 1878 y.da öz tödasini tuzgan. Tödada Muhammad Diyor, Muhammad Nazar, Buta daroz, Turdiali masxarabozlar, Mavlonça, Muhammadali degan raqqoslar, Avazmurod (doiraçi), Ergaş surnayçi, Rözi karnayçi kabi maşşoqlar uyuşgan. M.m. usta badihagöy bölib, köplab oğzaki komediyalar, muqallidlar yaratgan. «Xirmon kötariş» komediyasi şu jumladandir. Unda dehqon undirgan hosilning amaldorlar tomonidan talontoroj qilinişi t-ragikomediya vositalarida foş qilinadi. Eşoni rais (şu nomli asar), qaşşoq dehqon («Xirmon kötariş»), sartaroş (şu nomli asar), aqlli xizmatkor («Navça va oğolik») va b. rollari b-n tanilgan. Şuningdek, kuldiruvçi, ba'zan yiğlatuvçi hajviy aşula va öyinlari ham maşhur. Qahramonlari xulq-atvorini börttirma söz va harakatlar vositasida aks ettirib, hayotiy tiplar yaratiş, ba'zi örinlarda psixologik his-tuyğularni işga soliş M.m. ijodiga xosdir. Berdiyor Diyorov (1884—1968), Tursunbobo Xoliqov (1893—1966) kabi masxarabozlar M.m. an'analarini davom ettirdilar.
Muhsin Qodirov.
Asl matn (kirill, PDF'dagidek)
МИЗРОБ МАСХАРА (1848-1918, Шаҳрисабз тумани Вордон қишлоғи) — ўзбек анъанавий театрининг атоқли намояндаси. Бобоёр масхарабозга эргашган. 1878 й.да ўз тўдасини тузган. Тўдада Муҳаммад Диёр, Муҳаммад Назар, Бута дароз, Турдиали масхарабозлар, Мавлонча, Муҳаммадали деган раққослар, Авазмурод (доирачи), Эргаш сурнайчи, Рўзи карнайчи каби машшоқлар уюшган. М.м. уста бадиҳагўй бўлиб, кўплаб оғзаки комедиялар, муқаллидлар яратган. «Хирмон кўтариш» комедияси шу жумладандир. Унда деҳқон ундирган ҳосилнинг амалдорлар томонидан талонторож қилиниши т-рагикомедия воситаларида фош қилинади. Эшони раис (шу номли асар), қашшоқ деҳқон («Хирмон кўтариш»), сартарош (шу номли асар), ақлли хизматкор («Навча ва оғолик») ва б. роллари б-н танилган. Шунингдек, кулдирувчи, баъзан йиғлатувчи ҳажвий ашула ва ўйинлари ҳам машҳур. Қаҳрамонлари хулқ-атворини бўрттирма сўз ва ҳаракатлар воситасида акс эттириб, ҳаётий типлар яратиш, баъзи ўринларда психологик ҳис-туйғуларни ишга солиш М.м. ижодига хосдир. Бердиёр Диёров (1884—1968), Турсунбобо Холиқов (1893—1966) каби масхарабозлар М.м. анъаналарини давом эттирдилар.
Муҳсин Қодиров.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.