Modarixon madrasasi
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 663-b. — ziyouz.com
Modarixon madrasasi - Buxorodagi me'moriy yodgorlik (1566— 67). Abdullaxon madrasasi qarşisida joylaşgan. Ikkalasi qöş Madrasa majmuasini taşkil qiladi. M.m. Abdullaxonning onasi şarafiga qurilgan (nomi ham şundan). Madrasa çorsi tarhli (67x45 m), 2 qavatli. Boş tarzida ulkan peştoq va uning 2 yonidagi 2 qavatli, oldi ravoqli 3 kiyemga ajratilgan xonalar oldi handasiy uslubda koşinkori naqşlar b-n bezatilgan. Burçaklarida sirkor ğiş-tlar b-n naqşlangan guldastalar joylaşgan. Xonalarning har birida eşik va uning tepasida gançkori panjara mavjud. M.m.ning boşqa tomonlari bezaksiz. Örtasidagi töğri törtburçakli hovli atrofida ayvonli hujralar bor. Boş tarzidagi mi-yonsaroy, darsxona va masjid, hovli törining 2 burçagida joylaşgan xonalar çarxi gumbaz b-n qoplangan. Bağallari gançdan törsimon şaklda işlangan. M.m. devori qurilmasi 16-a. Buxoro me'morligiga xos bölib, ikki çekkasi pişiq ğiştdan terilgan, örtasi siniq ğişt bölaklari b-n töldirilgan. Madrasa binosi 1997— 98 y.larda ta'mirlangan.
Asl matn (kirill, PDF'dagidek)
МОДАРИХОН МАДРАСАСИ - Бухородаги меъморий ёдгорлик (1566— 67). Абдуллахон мадрасаси қаршисида жойлашган. Иккаласи қўш Мадраса мажмуасини ташкил қилади. М.м. Абдуллахоннинг онаси шарафига қурилган (номи ҳам шундан). Мадраса чорси тарҳли (67x45 м), 2 қаватли. Бош тарзида улкан пештоқ ва унинг 2 ёнидаги 2 қаватли, олди равоқли 3 киемга ажратилган хоналар олди ҳандасий услубда кошинкори нақшлар б-н безатилган. Бурчакларида сиркор ғиш-тлар б-н нақшланган гулдасталар жойлашган. Хоналарнинг ҳар бирида эшик ва унинг тепасида ганчкори панжара мавжуд. М.м.нинг бошқа томонлари безаксиз. Ўртасидаги тўғри тўртбурчакли ҳовли атрофида айвонли ҳужралар бор. Бош тарзидаги ми-ёнсарой, дарсхона ва масжид, ҳовли тўрининг 2 бурчагида жойлашган хоналар чархи гумбаз б-н қопланган. Бағаллари ганчдан тўрсимон шаклда ишланган. М.м. девори қурилмаси 16-а. Бухоро меъморлигига хос бўлиб, икки чеккаси пишиқ ғиштдан терилган, ўртаси синиқ ғишт бўлаклари б-н тўлдирилган. Мадраса биноси 1997— 98 й.ларда таъмирланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.