Monastirlar
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 714-b. — ziyouz.com
Monastirlar (yun. monasterion — monaxlar maskani) — çerkovning muayyan yöl-yöriqlari asosida birgalikda yaşovçi monax (rohib)lar jamoasi; monaxlar jamoasi foydalanadigan ibodatxona, turar joy va xöjalik binolari majmui. Birinçi buddistlar M.i mil. av. 1ming yillik örtalarida Hindistonda paydo bölgan. Budda M. i keyinçalik Birma va Tailand (2—3-a. lar)da, Vyetnam va Xitoy (4-a.)da, Koreya va Yaponiya (6—8-a.lar)da hamda Indoneziya (7-a.)da vujudga keldi. Xristian M.i esa dastlab 3—4-a.larda Misrda, söngra Rim imperiyasi (4—5-a.lar)da, keyinçalik Yevropada yuzaga kelgan. M. yirik yer egalariga aylanib, diniy mafkura markazi bölib qolgan. M. vujudga kelgan dastlabki paytlarda iqtisodiyot va madaniyat taraqqiyotida muayyan rol öynagan. Özbekistonda Rus pravoslav çerkovi Toşkent va Örta Osiyo yeparxiyasiga qaraşli 3 ta monastir bor: Svyato Nikolsk Troitsk ayollar monastiri (Toşkent ş., Mirobod tumani), Svyato Pokrovsk ayollar monastiri (Toşkent viloyati, Quyi Çirçiq tumani), Svyato Georgiyevsk erkaklar monastiri (Çirçiq ş.).
Kamoljon Komilov.
Asl matn (kirill, PDF'dagidek)
МОНАСТИРЛАР (юн. monasterion — монахлар маскани) — черковнинг муайян йўл-йўриқлари асосида биргаликда яшовчи монах (роҳиб)лар жамоаси; монахлар жамоаси фойдаланадиган ибодатхона, турар жой ва хўжалик бинолари мажмуи. Биринчи буддистлар М.и мил. ав. 1минг йиллик ўрталарида Ҳиндистонда пайдо бўлган. Будда М. и кейинчалик Бирма ва Таиланд (2—3-а. лар)да, Вьетнам ва Хитой (4-а.)да, Корея ва Япония (6—8-а.лар)да ҳамда Индонезия (7-а.)да вужудга келди. Христиан М.и эса дастлаб 3—4-а.ларда Мисрда, сўнгра Рим империяси (4—5-а.лар)да, кейинчалик Европада юзага келган. М. йирик ер эгаларига айланиб, диний мафкура маркази бўлиб қолган. М. вужудга келган дастлабки пайтларда иқтисодиёт ва маданият тараққиётида муайян роль ўйнаган. Ўзбекистонда Рус православ черкови Тошкент ва Ўрта Осиё епархиясига қарашли 3 та монастирь бор: Свято Никольск Троицк аёллар монастири (Тошкент ш., Миробод тумани), Свято Покровск аёллар монастири (Тошкент вилояти, Қуйи Чирчиқ тумани), Свято Георгиевск эркаклар монастири (Чирчиқ ш.).
Камолжон Комилов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.