Mstislav Vsevolodoviç Keldiş
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 288–289-b. — ziyouz.com
Keldiş Mstislav Vsevolodoviç [1911.28.1.(10.2), Riga - 1978.24.6, Moskva] — rus matematigi va mexanigi, akad. (1946). Sobiq Ittifoq FA prezidenti (1961—75). 3 marta Mehnat Qaxramoni (1956, 1961, 1971). Moskva un-tini tugatgan . (1931). Ilmiy işlari mat. va mexanika, aerodinamika, gidrodinamika, tebranişlar nazariyasi va b.ga oid. K.ning mat. sohasidagi işlari, asosan, kompleks özgaruvçili funksiyalar nazariyasi, haqiqiy özgaruvçili funksiyalar nazariyasi, potensiallar nazariyasi va b.ga bağişlangan. Matematik nazariyani mexanika, avtomatik boşqariş, aeromexanika va b. masalalarga tatbiq qilgan. K.ning ilmiy işlari hisoblaş mat.si, hisoblaş texnikasi, yadro energetikasi, kosmik tadqiqotlarning rivojlanişiga katta hissa qöşgan. K.ning aviatsiya va kosmik apparatlar tebranişi va turğunligiga, suyri sirtlarning gaz va suyuqlikdagi harakatiga, zarba, vint nazariyalariga oid işlari texnikaning muhim amaliy masalalarini yeçişga imkon beradi. U aerodinamika va gidrodinamika sohasida N.Ye. Jukovskiy va S.A. Çapliginning işlarini davom ettirib, Jukovskiy teoremasini umumiy holda isbotlagan.
Asl matn (kirill, PDF'dagidek)
КЕЛДИШ Мстислав Всеволодович [1911.28.1.(10.2), Рига - 1978.24.6, Москва] — рус математиги ва механиги, акад. (1946). Собиқ Иттифоқ ФА президенти (1961—75). 3 марта Меҳнат Қахрамони (1956, 1961, 1971). Москва ун-тини тугатган . (1931). Илмий ишлари мат. ва механика, аэродинамика, гидродинамика, тебранишлар назарияси ва б.га оид. К.нинг мат. соҳасидаги ишлари, асосан, комплекс ўзгарувчили функциялар назарияси, ҳақиқий ўзгарувчили функциялар назарияси, потенциаллар назарияси ва б.га бағишланган. Математик назарияни механика, автоматик бошқариш, аэромеханика ва б. масалаларга татбиқ қилган. К.нинг илмий ишлари ҳисоблаш мат.си, ҳисоблаш техникаси, ядро энергетикаси, космик тадқиқотларнинг ривожланишига катта ҳисса қўшган. К.нинг авиация ва космик аппаратлар тебраниши ва турғунлигига, суйри сиртларнинг газ ва суюқликдаги ҳаракатига, зарба, винт назарияларига оид ишлари техниканинг муҳим амалий масалаларини ечишга имкон беради. У аэродинамика ва гидродинамика соҳасида Н.Е. Жуковский ва С.А. Чаплигиннинг ишларини давом эттириб, Жуковский теоремасини умумий ҳолда исботлаган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.