Muhammadsoli Abdullayeviç Yusupov
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 64–65-b. — ziyouz.com
Yusupov Muhammadsoli Abdullayeviç (1955.11.1, Toşloq tumani) — aktyor, rej., pedagog. Özbekiston xalq artisti (1999). Toşkent teatr va rassomlik san'ati in-tining aktyorlik (1977) hamda rej. lik (1997) ftlarini tugatgan. 1977—78 yillar mazkur In-tda öqituvçi, 1979 yildan Farğona teatrida aktyor, rej. (1995 yildan boş rej.). «Kulgi zarbi spektaklidagi Sulaymon qori uning sahnadagi ilk obrazidir. «Riçard III» (U.Şekspir)dagi Gloster, «Farhod va Şirin» (S.Abdulla, B.Broviin) dagi Yosuman obrazlari talqin va ijro jihatidan yangiça uslubga ega ekanligi bilan ajralib turadi. Yu. Qöçqor («Temir xotin»), Diktator («Hokimi mutloq»), Mamat («Nurxon»), Buxenvald («Bir ölikka bir tirik»), Asomboy («Toşkentga sayohat»), Töxtamişxon («Amir Temur va Töxtamişxon») kabi rollari bilan şuhrat qozondi. Qahramon içki holatini oçib bera oliş, milliy qiziqçilik san'ati bilan yöğrilgan ijro uslubi ajralib turadi. Yu. kinoda Xolmat («Bomba»), Qöçqor («Masxaraboz»), Öqituvçi («Öqituvçi»), videofilmda Solih mahdum («Mehrobdan çayon»), telefilmda Afandi («Afandining beş xotini») rollarini ham öynagan. «Kurort» (Ö.Umarbekov), «Oltin sirtmoq» (X.Töxtaboyev), «Amir Muzaffar» (I.Qobulov), «Osmonga siğmagan muhabbat» (Y.Sulaymon), «Sehrlangan parizod» (V.Rabadan), «Kampir topaymi, dadajon?» (A.Xursandov), «Tikansiz tipratikanlar» (Ş.Boşbekov), «Jonimning malhami» (O.Hakimov), «Amir Temur va Töxtamişxon» (T.Mirzo) kabi spektakllarni sahnalaştirgan. Hamza nomidagi Özbekiston Davlat mukofoti laureati (1989).
Asl matn (kirill, PDF'dagidek)
ЮСУПОВ Муҳаммадсоли Абдуллаевич (1955.11.1, Тошлоқ тумани) — актёр, реж., педагог. Ўзбекистон халқ артисти (1999). Тошкент театр ва рассомлик санъати ин-тининг актёрлик (1977) ҳамда реж. лик (1997) фтларини тугатган. 1977—78 йиллар мазкур Ин-тда ўқитувчи, 1979 йилдан Фарғона театрида актёр, реж. (1995 йилдан бош реж.). «Кулги зарби спектаклидаги Сулаймон қори унинг саҳнадаги илк образидир. «Ричард III» (У.Шекспир)даги Глостер, «Фарҳод ва Ширин» (С.Абдулла, Б.Бровиин) даги Ёсуман образлари талқин ва ижро жиҳатидан янгича услубга эга эканлиги билан ажралиб туради. Ю. Қўчқор («Темир хотин»), Диктатор («Ҳокими мутлоқ»), Мамат («Нурхон»), Бухенвальд («Бир ўликка бир тирик»), Асомбой («Тошкентга саёҳат»), Тўхтамишхон («Амир Темур ва Тўхтамишхон») каби роллари билан шуҳрат қозонди. Қаҳрамон ички ҳолатини очиб бера олиш, миллий қизиқчилик санъати билан йўғрилган ижро услуби ажралиб туради. Ю. кинода Холмат («Бомба»), Қўчқор («Масхарабоз»), Ўқитувчи («Ўқитувчи»), видеофильмда Солиҳ маҳдум («Меҳробдан чаён»), телефильмда Афанди («Афандининг беш хотини») ролларини ҳам ўйнаган. «Курорт» (Ў.Умарбеков), «Олтин сиртмоқ» (Х.Тўхтабоев), «Амир Музаффар» (И.Қобулов), «Осмонга сиғмаган муҳаббат» (Й.Сулаймон), «Сеҳрланган паризод» (В.Рабадан), «Кампир топайми, дадажон?» (А.Хурсандов), «Тикансиз типратиканлар» (Ш.Бошбеков), «Жонимнинг малҳами» (О.Ҳакимов), «Амир Темур ва Тўхтамишхон» (Т.Мирзо) каби спектаклларни саҳналаштирган. Ҳамза номидаги Ўзбекистон Давлат мукофоти лауреати (1989).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.