Muhandislik geologiyasi xaritasi
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 939–940-b. — ziyouz.com
Muhandislik geologiyasi xaritasi — quriliş möljallangan yer maydoniga tegişli xar xil muxandislik-geologik omillar (tektonik, geomorfologik, gidrogeologik, gidrologik, geologik va muhandislik-geologik jarayonlarning tarkaliş darajasi va b.) aks ettirilgan xarita. M.g.x.da toğ jinslarining tarkibi, fizik-mexanik xossalari e'tiborga olinadi. Xaritalar mazmuniga qarab bir neça guruhga — muhandislik-geologik şaroitlar (yer usti inşootlari qurilişi möljallangan hududlar uçun eng muhim ma'lumotlar körsatiladi), muhandislik-geologik rayonlaştiriş (region, oblast, rayon va ayrim maydonlar muhandislik-geologik şaroiti hisobga olinadi), maxsus muhandislik (alohida quriliş obyekti uçun tuzilib, lyosslarning namlik ta'sirida çökişi, surilmalar örni mukammal tasvirlanadi va başoratlanadi) va b. xaritalarga bölinadi.
Har bir xaritaga tuşuntiriş matni, muhandislik-geologik kesim va şartli belgilar ilova qilinadi. Xaritalar turli masştablarda tuziladi. Özbekiston va Örta Osiyo hududlarining M.g.x. tuzilgan.
Asl matn (kirill, PDF'dagidek)
МУҲАНДИСЛИК ГЕОЛОГИЯСИ ХАРИТАСИ — қурилиш мўлжалланган ер майдонига тегишли хар хил мухандислик-геологик омиллар (тектоник, геоморфологик, гидрогеологик, гидрологик, геологик ва муҳандислик-геологик жараёнларнинг таркалиш даражаси ва б.) акс эттирилган харита. М.г.х.да тоғ жинсларининг таркиби, физик-механик хоссалари эътиборга олинади. Хариталар мазмунига қараб бир неча гуруҳга — муҳандислик-геологик шароитлар (ер усти иншоотлари қурилиши мўлжалланган ҳудудлар учун энг муҳим маълумотлар кўрсатилади), муҳандислик-геологик районлаштириш (регион, область, район ва айрим майдонлар муҳандислик-геологик шароити ҳисобга олинади), махсус муҳандислик (алоҳида қурилиш объекти учун тузилиб, лёссларнинг намлик таъсирида чўкиши, сурилмалар ўрни мукаммал тасвирланади ва башоратланади) ва б. хариталарга бўлинади.
Ҳар бир харитага тушунтириш матни, муҳандислик-геологик кесим ва шартли белгилар илова қилинади. Хариталар турли масштабларда тузилади. Ўзбекистон ва Ўрта Осиё ҳудудларининг М.г.х. тузилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.