Mu'iniddin natanziy
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 892-b. — ziyouz.com
Mu'iniddin natanziy (14-a 2-yarmi — 15-a. boşi) — tarixçi olim. Eronning Isfahon viloyatidagi Natanz qasabasidan. Davlatşoh Samarqandiynint «Tazkirat uş-şuaro» («Şoirlar tazkirasi») asarida yozişiça, 15-a. boşlarida Şerozda Mirzo Iskandar saroyida Haydar Xorazmiy, Hofiz Xorazmiy kabi şoirlar b-n birga M.N. ham yaşab, ijod qilgan. 1414 y.dan Hirotda yaşagan. Bizgaça M.N.ning fors tilida yozilgan «Muntaxab uttavorixi Mu'iniy» («Mu'iniyning saylanma tarixi») nomli asari yetib kelgan. Bu asar eng qad. zamonlardan Amir Temur vafotigaça bölgan davrdagi Markaziy Osiyo va b. bir qator ölkalar tarixiga bağişlangan.
«Muntaxab uttavorixi Mu'iniy»ning qölyozma nusxalari Angliya, Fransiya, Rossiya va Eron kutubxonalarida saqlanadi. Asarning ilmiy jihatdan ahamiyatli bölgan sönggi qismlari (asosan, 13—14-a.lar tarixi) matni fransuz şarqşunosi Jan Oben tarafidan 1957 y.da Tehronda çop qilingan. Şuningdek, asardan ayrim parçalar fransuz, rus va özbek tillariga tarjima qilinib, turli töplamlarda naşr etilgan.
Ld.: Ahm yedov B. A., Özbekiston xalqlari tarixi manbalari, T., 1991; Amir Temur va Uluğbek zamondoşlari xotirasida, T., 1996; Amir Temur jahon tarixida [2naşri], T., 2001.
Asl matn (kirill, PDF'dagidek)
МУЪИНИДДИН НАТАНЗИЙ (14-а 2-ярми — 15-а. боши) — тарихчи олим. Эроннинг Исфаҳон вилоятидаги Натанз қасабасидан. Давлатшоҳ Самарқандийнинт «Тазкират уш-шуаро» («Шоирлар тазкираси») асарида ёзишича, 15-а. бошларида Шерозда Мирзо Искандар саройида Ҳайдар Хоразмий, Ҳофиз Хоразмий каби шоирлар б-н бирга М.Н. ҳам яшаб, ижод қилган. 1414 й.дан Ҳиротда яшаган. Бизгача М.Н.нинг форс тилида ёзилган «Мунтахаб уттаворихи Муъиний» («Муъинийнинг сайланма тарихи») номли асари етиб келган. Бу асар энг қад. замонлардан Амир Темур вафотигача бўлган даврдаги Марказий Осиё ва б. бир қатор ўлкалар тарихига бағишланган.
«Мунтахаб уттаворихи Муъиний»нинг қўлёзма нусхалари Англия, Франция, Россия ва Эрон кутубхоналарида сақланади. Асарнинг илмий жиҳатдан аҳамиятли бўлган сўнгги қисмлари (асосан, 13—14-а.лар тарихи) матни француз шарқшуноси Жан Обен тарафидан 1957 й.да Теҳронда чоп қилинган. Шунингдек, асардан айрим парчалар француз, рус ва ўзбек тилларига таржима қилиниб, турли тўпламларда нашр этилган.
Лд.: Аҳм едов Б. А., Ўзбекистон халқлари тарихи манбалари, Т., 1991; Амир Темур ва Улуғбек замондошлари хотирасида, Т., 1996; Амир Темур жаҳон тарихида [2нашри], Т., 2001.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.