Mulkni xatlaş
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 802–803-b. — ziyouz.com
Mulkni xatlaş (ÖzRda) — mol-mulkni röyxatga oliş va uni tasarruf etiş man etilganligini e'lon qiliş, zarur hollarda esa, mol-mulkdan foydalaniş huquqini çeklaş, uni olib qöyiş va saqlaşga topşiriş. Fuqarolik protsessida M.x. sud qal qiluv qarorlarini ijro qiliş bosqiçida, da'voni ta'minlaşning bir çorasi sifatida qöllaniladi. Jinoyat protsessual qonunçiligida esa, fuqaroviy da'volarni ta'minlaş maqsadida tergovçi ham M.x.i mumkin. Bunday paytda bayonnoma tuzilib, uning nusxasi tilxat asosida mulk egasiga beriladi. Mulk xatlangaç, uning egasi: mulkni sotib yuboriş, sovğa qiliş, almaştiriş, garovga qöyiş kabi huquqlardan mahrum böladi. M.x. dalolatnoma orqali rasmiylaştiriladi. Dalolatnomada: u tuzilgan vaqt va joyi, sud ijroçisining, dalolatnoma tuzilişida iştirok etgan şaxslarning ism-şariflari, M.x. uçun asoslar, undiruvçi va qarzdorning ism-şariflari, mulk haqidagi ma'lumotnoma, uning tavsifi va qiymati, mulkni saqlaşga berilgan şaxsning nomi, M.x. jarayonida qatnaşgan şaxslarning e'tirozlari va ş.k. körsatiladi. Dalolatnomaga sud ijroçisi,
karzdor va dalolatnoma tuzilişida iştirok etgan şaxslar imzo çekadi. M.x. jarayonida sud ijroçisi noqonuniy xatti-harakatlar qilgan (mas, qonun böyiça xatlaş mumkin bölmagan mulkni röyxatga olgan) bölsa, manfaatdor şaxslar sudga şikoyat b-n murojaat qilişlari mumkin.
Muzaffarjon Mamasiddiqov.
Asl matn (kirill, PDF'dagidek)
МУЛКНИ ХАТЛАШ (ЎзРда) — мол-мулкни рўйхатга олиш ва уни тасарруф этиш ман этилганлигини эълон қилиш, зарур ҳолларда эса, мол-мулкдан фойдаланиш ҳуқуқини чеклаш, уни олиб қўйиш ва сақлашга топшириш. Фуқаролик процессида М.х. суд қал қилув қарорларини ижро қилиш босқичида, даъвони таъминлашнинг бир чораси сифатида қўлланилади. Жиноят процессуал қонунчилигида эса, фуқаровий даъволарни таъминлаш мақсадида терговчи ҳам М.х.и мумкин. Бундай пайтда баённома тузилиб, унинг нусхаси тилхат асосида мулк эгасига берилади. Мулк хатлангач, унинг эгаси: мулкни сотиб юбориш, совға қилиш, алмаштириш, гаровга қўйиш каби ҳуқуқлардан маҳрум бўлади. М.х. далолатнома орқали расмийлаштирилади. Далолатномада: у тузилган вақт ва жойи, суд ижрочисининг, далолатнома тузилишида иштирок этган шахсларнинг исм-шарифлари, М.х. учун асослар, ундирувчи ва қарздорнинг исм-шарифлари, мулк ҳақидаги маълумотнома, унинг тавсифи ва қиймати, мулкни сақлашга берилган шахснинг номи, М.х. жараёнида қатнашган шахсларнинг эътирозлари ва ш.к. кўрсатилади. Далолатномага суд ижрочиси,
карздор ва далолатнома тузилишида иштирок этган шахслар имзо чекади. М.х. жараёнида суд ижрочиси ноқонуний хатти-ҳаракатлар қилган (мас, қонун бўйича хатлаш мумкин бўлмаган мулкни рўйхатга олган) бўлса, манфаатдор шахслар судга шикоят б-н мурожаат қилишлари мумкин.
Музаффаржон Мамасиддиқов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.