Munitsipalitet
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 815-b. — ziyouz.com
Munitsipalitet (nem. Munizipalitat, lot. municipium — özini özi idora qiluvçi jamoa) — bir qança mamlakatlarda mahalliy boşqaruv va özini özi boşqaruvçi saylab qöyiladigan organlarning majmui. Ayrim mamlakatlarda (mas, AQŞ, Buyuk Britaniya) şahar boşqaruv organlarigina M. deb ataladi. Moskva ş.da mahalliy özini özi boşqaruvçi organ M. deb ataladi, u munitsipal yiğiliş va mahalliy ma'muriyat boşliği (M. rahbari)ni öz içiga oladi. M. tegişli ma'muriyhududiy birlik aholisi tomonidan saylanadi va unga konstitu-siyaviy huquqda xalqhuquqiy korporatsiyalari sifatida qaraladi. Odatda, M. mer, burgomistr va ş.k. boşçiligidagi saylab qöyiladigan rayosat hamda ijroçi mulozimlar devonidan iborat böladi. M. munitsipal korxonalar, turar joy fondi va b. mulklar egasi bölişi mumkin; u davlat maktablari, sanitariya xizmati idoralari, mahalliy politsiya, bir qança mamlakatlarda esa tibbiy xizmat va ijtimoiy ta'minot böyiça turli muassasalarni boşqaradi. M.ning asosiy daromad manbai aholidan yiğiladigan mahalliy soliklardir.
Asl matn (kirill, PDF'dagidek)
МУНИЦИПАЛИТЕТ (нем. Munizipalitat, лот. municipium — ўзини ўзи идора қилувчи жамоа) — бир қанча мамлакатларда маҳаллий бошқарув ва ўзини ўзи бошқарувчи сайлаб қўйиладиган органларнинг мажмуи. Айрим мамлакатларда (мас, АҚШ, Буюк Британия) шаҳар бошқарув органларигина М. деб аталади. Москва ш.да маҳаллий ўзини ўзи бошқарувчи орган М. деб аталади, у муниципал йиғилиш ва маҳаллий маъмурият бошлиғи (М. раҳбари)ни ўз ичига олади. М. тегишли маъмурийҳудудий бирлик аҳолиси томонидан сайланади ва унга конститу-циявий ҳуқуқда халқҳуқуқий корпорациялари сифатида қаралади. Одатда, М. мэр, бургомистр ва ш.к. бошчилигидаги сайлаб қўйиладиган раёсат ҳамда ижрочи мулозимлар девонидан иборат бўлади. М. муниципал корхоналар, турар жой фонди ва б. мулклар эгаси бўлиши мумкин; у давлат мактаблари, санитария хизмати идоралари, маҳаллий полиция, бир қанча мамлакатларда эса тиббий хизмат ва ижтимоий таъминот бўйича турли муассасаларни бошқаради. М.нинг асосий даромад манбаи аҳолидан йиғиладиган маҳаллий соликлардир.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.