Munjon
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 814-b. — ziyouz.com
Munjon MUNJON, Minjon — Badaxşon tarixiy viloyatidagi rustoq. Hindukuş toğlarida, Badaxşonning Kofiriston b-n çegara hududida joylaşgan. M. rustogi Ibn al-Faqih asarida 826—827 y.larda tohiriylardan Abdulloh ibn Tohirga xiroj tölagan Toxariston viloyatlari qatorida almizjon yoxud al-Muttajon şaklida qayd etilgan.
«M.» atamasi Badaxşondagi eng qad. nomlardan hisoblanadi. Mil. av. 1ming yillik örtalarida qad. hind adibi Panini Munjayon mamlakati va «Munji» qabila birlaşmasini qayd etib ötgan. 7-a.ning 1-yarmida Syuan-Szan bu mulkni Munki-yen şaklida keltirgan. Uning ma'lumotiga köra, M. Xu mulki (ya'ni Qunduz)dan şarqsa joylaşgan.
M. rustoği özining qad. nomini hozirgaça saklab qolgan bölib, u Kişm va Jirm örtasida joylaşib, ma'muriy jihatdan Zeyboqqa qaraydi. M.ning iqlimi sovuq, aholisi oq yuzli, asosan, töqimaçilik b-n şuğullanadi. 19-a.da M. aholisi Kofiristondan Badax-şonga muntazam suratda bosqinçilik qilib turgan «kofirlar» b-n uruş olib borganlar. M. çegarasida rabot qurilgan bölib, u M. vodiysini duşmanlar hujumidan muhofaza qilib turgan.
Javli Tursunov.
Asl matn (kirill, PDF'dagidek)
МУНЖОН, Минжон — Бадахшон тарихий вилоятидаги рустоқ. Ҳиндукуш тоғларида, Бадахшоннинг Кофиристон б-н чегара ҳудудида жойлашган. М. рустоги Ибн ал-Фақиҳ асарида 826—827 й.ларда тоҳирийлардан Абдуллоҳ ибн Тоҳирга хирож тўлаган Тохаристон вилоятлари қаторида алмизжон ёхуд ал-Муттажон шаклида қайд этилган.
«М.» атамаси Бадахшондаги энг қад. номлардан ҳисобланади. Мил. ав. 1минг йиллик ўрталарида қад. ҳинд адиби Панини Мунжаён мамлакати ва «Мунжи» қабила бирлашмасини қайд этиб ўтган. 7-а.нинг 1-ярмида Сюань-Цзан бу мулкни Мунки-йен шаклида келтирган. Унинг маълумотига кўра, М. Ху мулки (яъни Қундуз)дан шарқца жойлашган.
М. рустоғи ўзининг қад. номини ҳозиргача саклаб қолган бўлиб, у Кишм ва Жирм ўртасида жойлашиб, маъмурий жиҳатдан Зейбоққа қарайди. М.нинг иқлими совуқ, аҳолиси оқ юзли, асосан, тўқимачилик б-н шуғулланади. 19-а.да М. аҳолиси Кофиристондан Бадах-шонга мунтазам суратда босқинчилик қилиб турган «кофирлар» б-н уруш олиб борганлар. М. чегарасида работ қурилган бўлиб, у М. водийсини душманлар ҳужумидан муҳофаза қилиб турган.
Жавли Турсунов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.