Murodjon Ahmedov
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 867–868-b. — ziyouz.com
Ahmedov Murodjon (1918.1.1, Qöqon yaqinidagi Afğon qişloği — 1988.18.5, Qöqon) — aktyor va xonanda (dramatik bariton). Özbekiston xalq artisti (1967). Hamroqul qori, Rahmon hofizlardan aşula yöllarini, 3. Mirzatovdan sahna sirlarini örgangan. Qöqondagi yoş tomoşabinlar teatri (1933 — 34), Qöqon (1940 - 55), Farğona (1956 - 81) teatrlarida işlagan. Drama, musiqali drama va komediyalarda rang-barang obrazlar yaratgan; Tohir («Tohir va Zuhra»), Haydar, Ravşan («Nurxon», «Ravşan va Zulxumor»), Bahodir («Burgutning parvozi»), Ğofir («Boy ila xizmatçi»), Aziz («Aziz va Sanam»), Navröz («Gul va Navröz»), Karl Moor («Qaroqçilar»), hofiz («Ötgan kunlar»), Öktam («Kumuş töy») kabi jami 70 dan ortiq xilma-xil qahramonlar qiyofasini gavdalantirgan. A. qahramonlarini jasoratli, olijanob, yuksak tuyğular egasi qilib yorqin tasvirlagan. «Oltin vodiy kuyçisi» telefilmi va «Ötgan kunlar» badiiy filmida («Örtar»ni aytib) suratga tuşgan. A. maqom ustasi, baland avjlarni ham bemalol ayta oladigan kuçli, şirali ovozga ega bölgan. «Bu oqşom», «Örtar», «Toza lutf», «Bayot- 3», «Nasri Uzzol», «Buxoro iroği» kabi maqom yöllari, aşula va katta aşulalar A. repertuaridan örin olgan.
Töxtasin Ğifurbekov.
Asl matn (kirill, PDF'dagidek)
АҲМЕДОВ Муроджон (1918.1.1, Қўқон яқинидаги Афғон қишлоғи — 1988.18.5, Қўқон) — актёр ва хонанда (драматик баритон). Ўзбекистон халқ артисти (1967). Ҳамроқул қори, Раҳмон ҳофизлардан ашула йўлларини, 3. Мирзатовдан саҳна сирларини ўрганган. Қўқондаги ёш томошабинлар театри (1933 — 34), Қўқон (1940 - 55), Фарғона (1956 - 81) театрларида ишлаган. Драма, мусиқали драма ва комедияларда ранг-баранг образлар яратган; Тоҳир («Тоҳир ва Зуҳра»), Ҳайдар, Равшан («Нурхон», «Равшан ва Зулхумор»), Баҳодир («Бургутнинг парвози»), Ғофир («Бой ила хизматчи»), Азиз («Азиз ва Санам»), Наврўз («Гул ва Наврўз»), Карл Моор («Қароқчилар»), ҳофиз («Ўтган кунлар»), Ўктам («Кумуш тўй») каби жами 70 дан ортиқ хилма-хил қаҳрамонлар қиёфасини гавдалантирган. А. қаҳрамонларини жасоратли, олижаноб, юксак туйғулар эгаси қилиб ёрқин тасвирлаган. «Олтин водий куйчиси» телефильми ва «Ўтган кунлар» бадиий фильмида («Ўртар»ни айтиб) суратга тушган. А. мақом устаси, баланд авжларни ҳам бемалол айта оладиган кучли, ширали овозга эга бўлган. «Бу оқшом», «Ўртар», «Тоза лутф», «Баёт- 3», «Насри Уззол», «Бухоро ироғи» каби мақом йўллари, ашула ва катта ашулалар А. репертуаридан ўрин олган.
Тўхтасин Ғифурбеков.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.