Musa tura madrasasi
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 838-b. — ziyouz.com
Musa tura madrasasi - Xivadagi me'moriy yodgorlik. Içan kal'a markazida joylaşgan. Ollokulixon nabirasi Musa töra qurdirgan (1841). Madrasa t-rapetsiyasimon tarxli (38,7x28,2 m), orka va ikki yon tarzi oddiy bezaksiz. Boş tarzdagi peştoqi Xorazm me'morligiga xos şarafali, sirkori koşin b-n qoplangan, ğiştlar mavjli şaklda terilgan. Ikki yon qanotidagi 3 ravokli hujralar peştoqdan pastroq qilib işlangan. 4 burçagida guldastalar bor. Darvozasi yoğoç öymakorligida bezatilgan, orasida yozuvlar saqlangan. 2 gumbazli, böğim-böğimli miyonsaroy orqali hovliga ötiladi. Miyonsaroyning 2 yonida masjid (6,0x6,0 m) va darsxona (4,2x4,2 m) joylaşgan. Hovli (21,5x14,28 m) atrofidagi hujralar oldi qator ravoqli, tomi balxi gumbazli, masjid, darsxona va miyonsaroy çarxi gumbazli, içki gumbaz osti qalqonsimon ba-ğallar b-n bezatilgan. Hujralar darçasiga gançkori panjaralar örnatilgan. Ad.: Mankovskaya L., Bulatova V., Pamyatniki zodçestva Xorezma, T., 1978.
Asl matn (kirill, PDF'dagidek)
МУСА ТУРА МАДРАСАСИ - Хивадаги меъморий ёдгорлик. Ичан калъа марказида жойлашган. Оллокулихон набираси Муса тўра қурдирган (1841). Мадраса т-рапециясимон тархли (38,7x28,2 м), орка ва икки ён тарзи оддий безаксиз. Бош тарздаги пештоқи Хоразм меъморлигига хос шарафали, сиркори кошин б-н қопланган, ғиштлар мавжли шаклда терилган. Икки ён қанотидаги 3 равокли ҳужралар пештоқдан пастроқ қилиб ишланган. 4 бурчагида гулдасталар бор. Дарвозаси ёғоч ўймакорлигида безатилган, орасида ёзувлар сақланган. 2 гумбазли, бўғим-бўғимли миёнсарой орқали ҳовлига ўтилади. Миёнсаройнинг 2 ёнида масжид (6,0x6,0 м) ва дарсхона (4,2x4,2 м) жойлашган. Ҳовли (21,5x14,28 м) атрофидаги ҳужралар олди қатор равоқли, томи балхи гумбазли, масжид, дарсхона ва миёнсарой чархи гумбазли, ички гумбаз ости қалқонсимон ба-ғаллар б-н безатилган. Ҳужралар дарчасига ганчкори панжаралар ўрнатилган. Ад.: Маньковская Л., Булатова В., Памятники зодчества Хорезма, Т., 1978.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.