Nagoya
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 29-b. — ziyouz.com
Nagoya — Yaponiyadagi şahar. Xonsyu o.da, Ise qöltiği sohilida. Ayti prefekturasining ma'muriy markazi. Axrlisi 2,17 mln. kişi (2000). Mamlakatning yirik (Tokio va Osakadan keyin 3-örinda) sanoat, moliya, transport, savdo va madaniy markazi. Asosiy portlardan biri (yillik yuk ortib-tuşiriş 110 mln. t dan ortiq, Yaponiya taşqi savdo yuk aylanmasining 1/2 qismi). N. — 27 şaharni (eng yiriklari Toyota, Okadzaki, Itinomiya, Seto) öz içiga olgan aglomeratsiya markazi. Maşinasozlikning turli sohalari (jumladan, elektrotexnika, radioelektronika, kemasozlik, avtomobilsozlik, aniq priborsozlik va b.), qora va rangli metallurgiya, neft kimyosi rivojlangan. Töqimaçilik (jun va sun'iy gazlamalar i.ç.), oziq-ovqat, poligrafiya, farfor-keramika sanoati korxonalari mavjud. Un-t, botanika boği, muzeylar, metropoliten bor. Me'moriy yodgorliklardan Atsuta ibodatxonasi (mil. boşlarida qurilgan), qasr (1612), Tofukudzi ibodatxonasi (735) saqlangan.
Asl matn (kirill, PDF'dagidek)
НАГОЯ — Япониядаги шаҳар. Хонсю о.да, Исе қўлтиғи соҳилида. Айти префектурасининг маъмурий маркази. Ахрлиси 2,17 млн. киши (2000). Мамлакатнинг йирик (Токио ва Осакадан кейин 3-ўринда) саноат, молия, транспорт, савдо ва маданий маркази. Асосий портлардан бири (йиллик юк ортиб-тушириш 110 млн. т дан ортиқ, Япония ташқи савдо юк айланмасининг 1/2 қисми). Н. — 27 шаҳарни (энг йириклари Тоёта, Окадзаки, Итиномия, Сето) ўз ичига олган агломерация маркази. Машинасозликнинг турли соҳалари (жумладан, электротехника, радиоэлектроника, кемасозлик, автомобилсозлик, аниқ приборсозлик ва б.), қора ва рангли металлургия, нефть кимёси ривожланган. Тўқимачилик (жун ва сунъий газламалар и.ч.), озиқ-овқат, полиграфия, фарфор-керамика саноати корхоналари мавжуд. Ун-т, ботаника боғи, музейлар, метрополитен бор. Меъморий ёдгорликлардан Ацута ибодатхонаси (мил. бошларида қурилган), қаср (1612), Тофукудзи ибодатхонаси (735) сақланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.