Najafbek Vazirov
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 9–10-b. — ziyouz.com
Vazirov Najafbek (Fataliboy öğli) [1854. 5(17). 2, Şuşa - 1926. 9. 7, Boku]— ozarbayjon dramaturgi, publitsist, jamoat arbobi. Ozarbayjon zamonaviy teatrining asosçilaridan. Ilk bor Bokuda (ozarbayjon tilida) Mirza Fatali Oxundovning «Lenkoron xonining vaziri» va «Hoji Qora» komediyalarini sahnalaştirişda iştirok etgan (1873). «Eti sizniki, suyagi bizniki» (1873), «Uy tarbiyasining bir şakli» (1875) komediyalarida eski öqituv usuli, ibtidoiy ta'lim şakli tanqid qilinadi. «Baxtsiz» (1874) dramasida ayollarning qismati, turmuşdagi huquqsizligi tasvirlanadi. «Musibati Faxriddin» (1896) ozarbayjon dramaturgiyasidagi birinçi fojiaviy dramadir. «Uy tarbiyasining bir şakli», «Musibati Faxriddin» asarlari Abdulla Avloniy tomonidan özbek tiliga tarjima qilinib, Toşkentdagi «Turon» teatr truppasi tomonidan sahnalaştirilgan.
Asl matn (kirill, PDF'dagidek)
ВАЗИРОВ Нажафбек (Фаталибой ўғли) [1854. 5(17). 2, Шуша - 1926. 9. 7, Боку]— озарбайжон драматурги, публицист, жамоат арбоби. Озарбайжон замонавий театрининг асосчиларидан. Илк бор Бокуда (озарбайжон тилида) Мирза Фатали Охундовнинг «Ленкорон хонининг вазири» ва «Ҳожи Қора» комедияларини саҳналаштиришда иштирок этган (1873). «Эти сизники, суяги бизники» (1873), «Уй тарбиясининг бир шакли» (1875) комедияларида эски ўқитув усули, ибтидоий таълим шакли танқид қилинади. «Бахтсиз» (1874) драмасида аёлларнинг қисмати, турмушдаги ҳуқуқсизлиги тасвирланади. «Мусибати Фахриддин» (1896) озарбайжон драматургиясидаги биринчи фожиавий драмадир. «Уй тарбиясининг бир шакли», «Мусибати Фахриддин» асарлари Абдулла Авлоний томонидан ўзбек тилига таржима қилиниб, Тошкентдаги «Турон» театр труппаси томонидан саҳналаштирилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.