Najmiddin Komilov
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 521-b. — ziyouz.com
Komilov Najmiddin (1937.5.10, Panjikent tumani, Tojikiston) — adabiyotşunos olim, filol. fanlari d-ri (1975), prof. (1991). SamDUning filol. f-tini tugatgan (1965). Özbek sovet ensiklopediyasi Boş tahririyatida katta muharrir (1970—71). ToşDUda katta öqituvçi (1971—75). Toşkent şarqşunoslik in-ti kafedra mudiri (1991—94; 2001 y.dan). Özbekiston Respublikasi Prezidenti devonida konsultant (1994—95). Davlat va jamiyat qurilişi akademiyasi prorektori (1995—99). Özbekiston Respublikasi markaziy saylov komissiyasi raisi (1999-2001).
K. dastlab tarjima va qiyosiy adabiyotşunoslik, tarjima tarixining nazariy masalalari böyiça tadqiqotlar olib bordi. Matnşunoslik va adabiy janrlar taraqqiyoti b-n boğliq masalalarni örgandi. Keyingi yillarda uning ilmiy faoliyati tasavvuf tarixi, asosiy yönalişlari, tariqat, şariat, haqiqat tuşunçalariga qaratildi. Şu yönalişda u Ahmad Yassaviy, Najmiddin Kubro, Ibn Arabiy, Nasafiy, Bahouddin Naqşband ta'limotlari mohiyatini oçib berdi. Farididdin Attorning «Ilohiynoma», S.Valadning «Maorif», A.Nasafiyning «Zubaydat ul-haqoyiq» va Husayn Voiz Koşifiyning «Futuvvatnomai sultoniy» asarlarini tarjima qildi. K. «Özbekiston milliy ensiklopediyasi» boş tahrir hay'ati a'zosi (1997 y.dan).
As: Döstlik köpriklari, T., 1979 (hamkorlikda); Ibn Sino va Dante, T., 1983; Bu qadimiy san'at, T., 1988; Najmiddin Kubro, T., 1995; Tafakkur karvonlari, T., 1999; Tasavvuf yoki komil inson axloqi, T., 1999; Tasavvuf. Tavhid asrori, T., 1999; Faqr nuri porlagan qalb, T., 2001.
Asl matn (kirill, PDF'dagidek)
КОМИЛОВ Нажмиддин (1937.5.10, Панжикент тумани, Тожикистон) — адабиётшунос олим, филол. фанлари д-ри (1975), проф. (1991). СамДУнинг филол. ф-тини тугатган (1965). Ўзбек совет энциклопедияси Бош таҳририятида катта муҳаррир (1970—71). ТошДУда катта ўқитувчи (1971—75). Тошкент шарқшунослик ин-ти кафедра мудири (1991—94; 2001 й.дан). Ўзбекистон Республикаси Президенти девонида консультант (1994—95). Давлат ва жамият қурилиши академияси проректори (1995—99). Ўзбекистон Республикаси марказий сайлов комиссияси раиси (1999-2001).
К. дастлаб таржима ва қиёсий адабиётшунослик, таржима тарихининг назарий масалалари бўйича тадқиқотлар олиб борди. Матншунослик ва адабий жанрлар тараққиёти б-н боғлиқ масалаларни ўрганди. Кейинги йилларда унинг илмий фаолияти тасаввуф тарихи, асосий йўналишлари, тариқат, шариат, ҳақиқат тушунчаларига қаратилди. Шу йўналишда у Аҳмад Яссавий, Нажмиддин Кубро, Ибн Арабий, Насафий, Баҳоуддин Нақшбанд таълимотлари моҳиятини очиб берди. Фаридиддин Атторнинг «Илоҳийнома», С.Валаднинг «Маориф», А.Насафийнинг «Зубайдат ул-ҳақойиқ» ва Ҳусайн Воиз Кошифийнинг «Футувватномаи султоний» асарларини таржима қилди. К. «Ўзбекистон миллий энциклопедияси» бош таҳрир ҳайъати аъзоси (1997 й.дан).
Ас: Дўстлик кўприклари, Т., 1979 (ҳамкорликда); Ибн Сино ва Данте, Т., 1983; Бу қадимий санъат, Т., 1988; Нажмиддин Кубро, Т., 1995; Тафаккур карвонлари, Т., 1999; Тасаввуф ёки комил инсон ахлоқи, Т., 1999; Тасаввуф. Тавҳид асрори, Т., 1999; Фақр нури порлаган қалб, Т., 2001.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.