«Najot»
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 33-b. — ziyouz.com
«Najot» — jadidlar gazetasi. Turkistondagi özbek jadid matbuotining nodir naşrlaridan biri. Rossiyadagi 1917 y. fev. inqilobidan söng Turkiston ölkasida örnatilgan muvaqqat hukumat tomonidan naşr etilgan. Jami 20 soni çiqqan. Muharriri Munavvarqori bölgan. «N» fev. inqilobi tufayli barham topgan mustabid çor tuzumini keskin tanqid qilgan, fev. inqilobiga xayrixoxdik bildirgan, Turkiston xalqlarini, qaysi millatga mansublikdan qat'i nazar, jipslaşişga, sinfiy ayirmaga bormaslikka, mustaqil davlat barpo qilişga da'vat etgan. «N.»da davrning közga köringan qalamkaşlaridan Kamiy (şoir), Mahmudxöja Behbudiy, Xolmuhammad Oxundiy, Mirmulla Şermuhamedov, Mirmuhsin Şermuhamedov, Abdulla Avloniy, Tölagan Xöjamiyorov (Tavallo), Laziz Azizzoda, Abdulla Qodiriy, Şokirjon Rahimiy, Rauf Muzaffarov va b. hamkorlik qilganlar.
Ad.: Ziyo Said, Özbek vaqtli matbuoti tarixiga materiallar (1870—1927); Tanlangan asarlar, T., 1974; Pidayev T., Matbuot — millat çiroği, T., 1999.
Asl matn (kirill, PDF'dagidek)
«НАЖОТ» — жадидлар газетаси. Туркистондаги ўзбек жадид матбуотининг нодир нашрларидан бири. Россиядаги 1917 й. фев. инқилобидан сўнг Туркистон ўлкасида ўрнатилган муваққат ҳукумат томонидан нашр этилган. Жами 20 сони чиққан. Муҳаррири Мунавварқори бўлган. «Н» фев. инқилоби туфайли барҳам топган мустабид чор тузумини кескин танқид қилган, фев. инқилобига хайрихохдик билдирган, Туркистон халқларини, қайси миллатга мансубликдан қатъи назар, жипслашишга, синфий айирмага бормасликка, мустақил давлат барпо қилишга даъват этган. «Н.»да даврнинг кўзга кўринган қаламкашларидан Камий (шоир), Маҳмудхўжа Беҳбудий, Холмуҳаммад Охундий, Мирмулла Шермуҳамедов, Мирмуҳсин Шермуҳамедов, Абдулла Авлоний, Тўлаган Хўжамиёров (Тавалло), Лазиз Азиззода, Абдулла Қодирий, Шокиржон Раҳимий, Рауф Музаффаров ва б. ҳамкорлик қилганлар.
Ад.: Зиё Саид, Ўзбек вақтли матбуоти тарихига материаллар (1870—1927); Танланган асарлар, Т., 1974; Пидаев Т., Матбуот — миллат чироғи, Т., 1999.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.