Navoiy «Elektrkimyo zavodi» aksiyadorlik jamiyati
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 23-b. — ziyouz.com
Navoiy «Elektrkimyo zavodi» aksiyadorlik jamiyati - Özbekistondagi eng yirik kimyo k-tlaridan biri. «Özkimyosanoat» davlat-aksiyadorlik kompaniyasi tarkibida. Ösimliklarni himoya qiliş kimyoviy vositalari (gerbitsidlar, insektoakaritsidlar, zootsidlar, ösişni boşqaruvçi moddalar), atsetilen qurumi, aktivlaştirilgan kömir, oddiy superfosfat, sirka kislotasi, A, V markali etilatsetat, metil-atsetat, suyuq şişa, xalq iste'mol mollari — oş tuzi, yodlangan oş tuzi va b. mahsulotlar işlab çiqaradi.
Korxona 1971 y. Navoiy kimyo kombinati tarkibidan Navoiy elektrkimyo kombinati direksiyasi sifatida ajralib çiqdi. 1972 y. korxonani kengaytiriş uçun Navoiy tumanida 935 ga yer ajratildi va uning 1- navbatini loyihalaştiriş işlari boşlandi. Dastlab xlororganik moddalar i.ç.ga möljalangan. 1976 y.dan korxona ösimliklarni kimyoviy himoya qiliş vositalarini işlab çiqarişga ixtisoslaşdi. 1976—80 y.da uning birinçi navbati qurildi. 1980 y.da birinçi mahsulot — kotoroy gerbitsidi işlab çiqarildi. K-t 1981 y.dan Navoiy «Elektrokimyo zavodi» deb nomlandi, 1994 y.dan yopiq turdagi aksiyadorlik jamiyati, 1996 y.dan Navoiy «Elektrkimyozavodi» aksiyadorlik jamiyati — Özbekiston-Panama qöşma korxonasi. Ta'sisçisi: Özbekiston Respublikasi Davlat mulki qömitasi.
Korxona respublikadagi ösimliklarni himoya qiluvçi kimyoviy vositalarni tayyorlovçi yagona korxonadir. Korxona faoliyati Özbekiston Respublikasi q.x. ning kimyoviy vositalarga bölgan ehtiyojini qondirişga qaratilgan. 1996 y. dek. oyida Fransiyaning «Speyşim» firmasi b-n hamkorlikda yillik quvvati 10 ming t bölgan fozalon i.ç. liniyasi işga tuşirildi, mevali ekinlardagi ösimlik biti, kana, Kolorado könğizi va b. zararkunandalarni yöqotişda qöllaniladigan fozalon insek-toakaridsidini i.ç. yölga qöyiddi.
2000—2002 y. davomida çetdan olib kelingan xom aşyolardan 30 turdagi ösimliklarni himoya qiluvçi kimyo vositalari işlab çiqarildi.
Korxona köp yillardan buyon Şveysariyaning «Singenta», «Dalston», Germaniyaning «Lurgi», Yaponiyaning «Sumitomo», Xitoyning Xunan eksport-import korporatsiyasi, «Delyan», Buyuk Britaniyaning «Dau Agrosains» firma va kompaniyalari b-n hamkorlik qiladi.
Rixsivoy Yoqubov.
Asl matn (kirill, PDF'dagidek)
НАВОИЙ «ЭЛЕКТРКИМЁ ЗАВОДИ» АКЦИЯДОРЛИК ЖАМИЯТИ - Ўзбекистондаги энг йирик кимё к-тларидан бири. «Ўзкимёсаноат» давлат-акциядорлик компанияси таркибида. Ўсимликларни ҳимоя қилиш кимёвий воситалари (гербицидлар, инсектоакарицидлар, зооцидлар, ўсишни бошқарувчи моддалар), ацетилен қуруми, активлаштирилган кўмир, оддий суперфосфат, сирка кислотаси, А, В маркали этилацетат, метил-ацетат, суюқ шиша, халқ истеъмол моллари — ош тузи, йодланган ош тузи ва б. маҳсулотлар ишлаб чиқаради.
Корхона 1971 й. Навоий кимё комбинати таркибидан Навоий электркимё комбинати дирекцияси сифатида ажралиб чиқди. 1972 й. корхонани кенгайтириш учун Навоий туманида 935 га ер ажратилди ва унинг 1- навбатини лойиҳалаштириш ишлари бошланди. Дастлаб хлорорганик моддалар и.ч.га мўлжаланган. 1976 й.дан корхона ўсимликларни кимёвий ҳимоя қилиш воситаларини ишлаб чиқаришга ихтисослашди. 1976—80 й.да унинг биринчи навбати қурилди. 1980 й.да биринчи маҳсулот — которой гербициди ишлаб чиқарилди. К-т 1981 й.дан Навоий «Электрокимё заводи» деб номланди, 1994 й.дан ёпиқ турдаги акциядорлик жамияти, 1996 й.дан Навоий «Электркимёзаводи» акциядорлик жамияти — Ўзбекистон-Панама қўшма корхонаси. Таъсисчиси: Ўзбекистон Республикаси Давлат мулки қўмитаси.
Корхона республикадаги ўсимликларни ҳимоя қилувчи кимёвий воситаларни тайёрловчи ягона корхонадир. Корхона фаолияти Ўзбекистон Республикаси қ.х. нинг кимёвий воситаларга бўлган эҳтиёжини қондиришга қаратилган. 1996 й. дек. ойида Франциянинг «Спейшим» фирмаси б-н ҳамкорликда йиллик қуввати 10 минг т бўлган фозалон и.ч. линияси ишга туширилди, мевали экинлардаги ўсимлик бити, кана, Колорадо кўнғизи ва б. зараркунандаларни йўқотишда қўлланиладиган фозалон инсек-тоакаридцидини и.ч. йўлга қўйидди.
2000—2002 й. давомида четдан олиб келинган хом ашёлардан 30 турдаги ўсимликларни ҳимоя қилувчи кимё воситалари ишлаб чиқарилди.
Корхона кўп йиллардан буён Швейцариянинг «Сингента», «Далстон», Германиянинг «Лурги», Япониянинг «Сумитомо», Хитойнинг Хунан экспорт-импорт корпорацияси, «Делян», Буюк Британиянинг «Дау Агросаинс» фирма ва компаниялари б-н ҳамкорлик қилади.
Рихсивой Ёқубов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.