Navoiy-Uçquduq-Nukus temir yöli
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 24–25-b. — ziyouz.com
Navoiy-Uçquduq-Nukus temir yöli - Navoiy, Buxoro, Xorazm viloyatlari va Qoraqalpoğiston Respublikasi hududlaridan ötuvçi temir yöl. 1994—2001 y.da qurilgan. Yölning umumiy uz. 700 km ga yaqin. Navoiy, Uçquduq, Miskin, Törtköl ş.laridan ötib, Nukusgaça yetkazilgan.
Ilgari Qoraqalpoğiston Respublikasi va Xorazm viloyati Özbekistonning boşqa hududlari b-n Turkmaniston hududidan ötadigan Turkmanobod (Çorjöy) — Urganç temir yöli orqali boğlangan edi. N.—U— N. t.y. qurilişi yuk va yölovçilar taşiş maso-fasini 450 km ga va qatnov muddatini 6—7 soatga qisqartirib, mamlakat iqtisodiyotiga har yili 19 mln. AQŞ dollariga yaqin mablağni tejaş imkoniyatini beradi. Temir yöl mineral resurslarga ğoyat boy mintaqani özlaştirişda muhim ahamiyatga ega. Temir yöl orqali yölovçilar, xalq xöjaligi yuklari, mineral öğitlar, quriliş materiallari va b. yuklar taşiladi.
Tohirjon Mirzayev.
Asl matn (kirill, PDF'dagidek)
НАВОИЙ-УЧҚУДУҚ-НУКУС ТЕМИР ЙЎЛИ - Навоий, Бухоро, Хоразм вилоятлари ва Қорақалпоғистон Республикаси ҳудудларидан ўтувчи темир йўл. 1994—2001 й.да қурилган. Йўлнинг умумий уз. 700 км га яқин. Навоий, Учқудуқ, Мискин, Тўрткўл ш.ларидан ўтиб, Нукусгача етказилган.
Илгари Қорақалпоғистон Республикаси ва Хоразм вилояти Ўзбекистоннинг бошқа ҳудудлари б-н Туркманистон ҳудудидан ўтадиган Туркманобод (Чоржўй) — Урганч темир йўли орқали боғланган эди. Н.—У— Н. т.й. қурилиши юк ва йўловчилар ташиш масо-фасини 450 км га ва қатнов муддатини 6—7 соатга қисқартириб, мамлакат иқтисодиётига ҳар йили 19 млн. АҚШ долларига яқин маблағни тежаш имкониятини беради. Темир йўл минерал ресурсларга ғоят бой минтақани ўзлаштиришда муҳим аҳамиятга эга. Темир йўл орқали йўловчилар, халқ хўжалиги юклари, минерал ўғитлар, қурилиш материаллари ва б. юклар ташилади.
Тоҳиржон Мирзаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.