Navoiy viloyat ölkaşunoslik muzeyi
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 13-b. — ziyouz.com
Navoiy viloyat ölkaşunoslik muzeyi — madaniy-ma'rifiy muassasa; 1992 y.da Navoiy ş.da taşkil etilgan. Muzeyning arxeologiya, etnografiya, numizmatika, tabiat, tasviriy san'at va sanoat bölimlari bor. Muzeyda Navoiy viloyati hududidan topilgan arxeologik yodgorliklar, viloyat tabiati, san'ati, sanoati (Navoiy kon metallurgiya k-ti, «Qizilqumsement», «Navoiy azot» i.ç. birlaşmasi, Navoiy GRES kabi sanoat korxonalari tarixi va faoliyati, ularning mahsulotlaridan namunalar) aks ettirilgan. 2500 dan ortiq hujjatlar va eksponatlar, viloyat tabiati, hayvonot va ösimliklar dunyosi, suv havzalari, çöl tabiatiga xos tabiiy boyliklardan namunalar namoyiş etiladi. Muzey fondi (Nurota, Zarafşon, Xatirçi, Karmana, Konimex va b. bölimlari b-n birga) 35 mingdan ziyod (2003), şuningdek, ilm-fan, tibbiyot, sport kabi ijtimoiy sohalarni yorituvçi materiallar töplangan.
Asl matn (kirill, PDF'dagidek)
НАВОИЙ ВИЛОЯТ ЎЛКАШУНОСЛИК МУЗЕЙИ — маданий-маърифий муассаса; 1992 й.да Навоий ш.да ташкил этилган. Музейнинг археология, этнография, нумизматика, табиат, тасвирий санъат ва саноат бўлимлари бор. Музейда Навоий вилояти ҳудудидан топилган археологик ёдгорликлар, вилоят табиати, санъати, саноати (Навоий кон металлургия к-ти, «Қизилқумцемент», «Навоий азот» и.ч. бирлашмаси, Навоий ГРЭС каби саноат корхоналари тарихи ва фаолияти, уларнинг маҳсулотларидан намуналар) акс эттирилган. 2500 дан ортиқ ҳужжатлар ва экспонатлар, вилоят табиати, ҳайвонот ва ўсимликлар дунёси, сув ҳавзалари, чўл табиатига хос табиий бойликлардан намуналар намойиш этилади. Музей фонди (Нурота, Зарафшон, Хатирчи, Кармана, Конимех ва б. бўлимлари б-н бирга) 35 мингдан зиёд (2003), шунингдек, илм-фан, тиббиёт, спорт каби ижтимоий соҳаларни ёритувчи материаллар тўпланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.