Navröz
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 26-b. — ziyouz.com
Navröz NAVRÖZ, Duragay 2826 — keçpişar örik navi. Boğdorçilik, uzumçilik va vinoçilik i.t. in-tining Samarqand fi-lialida duragaylaş (keçki Samarqand x Ruxi Juvanon x Yoşlik) yöli b-n çiqarilgan (K. V. Vasilyev, L. A. Protaseviç). Daraxti ğuj ösadi. Keç gullaydi. Mevasi yirik (40 g gaça), yumaloqoval, sirtining yarmidan köproq kismi töq qizil, pösti yupqa, xuşbuy, şirin va bir oz nordon, tarkibida 13% qand, 0,84% kislota bor. Danagi yirik, mağizi şirin. Iyulning boşlarida pişa boşlaydi.
Kuçati ekilgandan keyin 5-yili hosilga kiradi, tupidan 120 kg gaça meva beradi. Sovuqqa çidamli, şamolga bardoşli, pişib yetilgan mevalarning bir qismi şoxlarida turşaklanib qoladi. Özbekistonning jan.-ğarbiy viloyatlarida ustiriladi.
Asl matn (kirill, PDF'dagidek)
НАВРЎЗ, Дурагай 2826 — кечпишар ўрик нави. Боғдорчилик, узумчилик ва виночилик и.т. ин-тининг Самарқанд фи-лиалида дурагайлаш (кечки Самарқанд х Рухи Жуванон х Ёшлик) йўли б-н чиқарилган (К. В. Васильев, Л. А. Протасевич). Дарахти ғуж ўсади. Кеч гуллайди. Меваси йирик (40 г гача), юмалоқовал, сиртининг ярмидан кўпроқ кисми тўқ қизил, пўсти юпқа, хушбуй, ширин ва бир оз нордон, таркибида 13% қанд, 0,84% кислота бор. Данаги йирик, мағизи ширин. Июлнинг бошларида пиша бошлайди.
Кучати экилгандан кейин 5-йили ҳосилга киради, тупидан 120 кг гача мева беради. Совуққа чидамли, шамолга бардошли, пишиб етилган меваларнинг бир қисми шохларида туршакланиб қолади. Ўзбекистоннинг жан.-ғарбий вилоятларида устирилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.