Nefrotik sindrom
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 182–183-b. — ziyouz.com
Nefrotik sindrom NEFROTIK SINDROM, nefrozproteinuriya, gipoproteinemiya (asosan, gipoalbuminemiya), şiş, giper-lipemiya va gipovolemiya b-n ta'riflanadigan simptomlar majmui. N.s. buyrakning birlamçi (glomerulonefrit, buyrak amiloidozi, homiladorlik nefropatiyasi, kollagenli nefro-patiya) va ikkilamçi (qandli diabet, qon kasalliklari, xavfli ösmalar, allergiya, zaxm va b.) kasalliklarida yuzaga keladi. Bu sindrom asosida organizm immun reaktivligining buzilişi yotadi, bunda buyrak koptokça to-mirçalari devori şikastlanadi, natijada oqsil yöqotiladi, uning qon zardobidagi miqdori kamayadi, bu, öz navbatida, qon plazmasi onkotik bosimini kamaytiradi, pirovardida suyuqlik qondan töqimalarga ötadi va şiş paydo böladi.
N.s. alohida yoki gematuriya va gipertoniya b-n birga uçraşi mumkin. Şu b-n birga töliq va töliq bölmagan (şişsiz), sekin-asta (bir neça oy) va retsidiv körinişida keçadigan, «gormon sezgir» va «gormon rezistent» N.s. turlari tafovut qilinadi. N.s.ning tuğma turi ham mavjud. Kasallik auto-som-retsissiv yöl b-n ötadi, tez rivojlanadi va köp hollarda buyrak yetişmovçiligi rivojlanişi natijasida ölim b-n tugaydi.
N.s.ni davolaş uni keltirib çiqargan sabablari va turiga karab belgilanadi. N.s. öz vaqgida aniqlanib, töğri davolanmasa surunkali buyrak yetişmovçiligi paydo bölişi mumkin.
Asl matn (kirill, PDF'dagidek)
НЕФРОТИК СИНДРОМ, нефрозпротеинурия, гипопротеинемия (асосан, гипоальбуминемия), шиш, гипер-липемия ва гиповолемия б-н таърифланадиган симптомлар мажмуи. Н.с. буйракнинг бирламчи (гломерулонефрит, буйрак амилоидози, ҳомиладорлик нефропатияси, коллагенли нефро-патия) ва иккиламчи (қандли диабет, қон касалликлари, хавфли ўсмалар, аллергия, захм ва б.) касалликларида юзага келади. Бу синдром асосида организм иммун реактивлигининг бузилиши ётади, бунда буйрак коптокча то-мирчалари девори шикастланади, натижада оқсил йўқотилади, унинг қон зардобидаги миқдори камаяди, бу, ўз навбатида, қон плазмаси онкотик босимини камайтиради, пировардида суюқлик қондан тўқималарга ўтади ва шиш пайдо бўлади.
Н.с. алоҳида ёки гематурия ва гипертония б-н бирга учраши мумкин. Шу б-н бирга тўлиқ ва тўлиқ бўлмаган (шишсиз), секин-аста (бир неча ой) ва рецидив кўринишида кечадиган, «гормон сезгир» ва «гормон резистент» Н.с. турлари тафовут қилинади. Н.с.нинг туғма тури ҳам мавжуд. Касаллик ауто-сом-рециссив йўл б-н ўтади, тез ривожланади ва кўп ҳолларда буйрак етишмовчилиги ривожланиши натижасида ўлим б-н тугайди.
Н.с.ни даволаш уни келтириб чиқарган сабаблари ва турига караб белгиланади. Н.с. ўз вақгида аниқланиб, тўғри даволанмаса сурункали буйрак етишмовчилиги пайдо бўлиши мумкин.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.