Nikolay Alekseyeviç Ostrovskiy
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 262-b. — ziyouz.com
Ostrovskiy Nikolay Alekseyeviç [1904.16(29).9, Rovno viloyati Viliya qişloği — 1936.22.12, Moskva] — rus yozuvçisi. Çerkov krşidagi diniy maktabni tugatib (1913), 9 yoşida mehnat faoliyatini boşlagan. Dastlab 2 sinfli, keyin Oliy boşlanğiç bilim yurtida öqigan (1917—19). Söng köngilli sifatida frontga ketib, G. I. Kotovskiyning otliq brigadasi va Birinçi otliq armiyada xizmat qilgan. 1920 y.da oğir jarohat olgaç, «mehnat fronti»da işlab, komsomol taşki-lotlarida faollik körsatgan. 1927 y.da xastaligi oğirlaşib, közi nogiron, özi esa töşakband bölib qolgan. Şunga qaramay, O. adabiy faoliyat b-n şuğullanib, dastlab Kotovskiy brigadasi töğrisida qissa (1927—28), keyin «Pölat qanday toblandi» romanini yozadi (1932—34). Fuqarolar uruşi yillaridagi komsomol yoşlar jasora-tiga bağişlangan va muharrirlar tomonidan qayta işlangan mazkur asar sovet adabiyotining ulkan yutuği sifatida baholanib, uzoq davrlar mobay-nida sovet yoşlari hayotiga bağişlangan sovet davri qahramoni obrazi yaratilgan asarlar uçun andoza bölib qolgan. Romanning boş qahramoni Pavel Korçagin obrazi esa yoşlarni sovet davri ğoyalari ruhida tarbiyalaşda sovet tarğibot va taşviqot maşinasi uçun muhim vositalardan biriga aylangan. Dastlabki romanining katta muvaffaqiyat qozonganidan ilhomlangan O. yana fukarolar uruşi mavzuida «Böron bolalari» qissasini yozgan (1934—36) va publitsistik maqolalar e'lon qilgan. O.ning har ikkala ro-mani özbek tiliga tarjima qilingan.
As: Soçineniya, t. 1—3, M., 1969; Pölat qanday toblandi, T., 1970; Böron bolalari, T., 1985.
Ad.: Timofeyev V., Şiryayeva M., Nikolay Ostrovskiy. Kritikobiografiçeskiy oçerk, M., 1957.
Asl matn (kirill, PDF'dagidek)
ОСТРОВСКИЙ Николай Алексеевич [1904.16(29).9, Ровно вилояти Вилия қишлоғи — 1936.22.12, Москва] — рус ёзувчиси. Черков кршидаги диний мактабни тугатиб (1913), 9 ёшида меҳнат фаолиятини бошлаган. Дастлаб 2 синфли, кейин Олий бошланғич билим юртида ўқиган (1917—19). Сўнг кўнгилли сифатида фронтга кетиб, Г. И. Котовскийнинг отлиқ бригадаси ва Биринчи отлиқ армияда хизмат қилган. 1920 й.да оғир жароҳат олгач, «меҳнат фронти»да ишлаб, комсомол ташки-лотларида фаоллик кўрсатган. 1927 й.да хасталиги оғирлашиб, кўзи ногирон, ўзи эса тўшакбанд бўлиб қолган. Шунга қарамай, О. адабий фаолият б-н шуғулланиб, дастлаб Котовский бригадаси тўғрисида қисса (1927—28), кейин «Пўлат қандай тобланди» романини ёзади (1932—34). Фуқаролар уруши йилларидаги комсомол ёшлар жасора-тига бағишланган ва муҳаррирлар томонидан қайта ишланган мазкур асар совет адабиётининг улкан ютуғи сифатида баҳоланиб, узоқ даврлар мобай-нида совет ёшлари ҳаётига бағишланган совет даври қаҳрамони образи яратилган асарлар учун андоза бўлиб қолган. Романнинг бош қаҳрамони Павел Корчагин образи эса ёшларни совет даври ғоялари руҳида тарбиялашда совет тарғибот ва ташвиқот машинаси учун муҳим воситалардан бирига айланган. Дастлабки романининг катта муваффақият қозонганидан илҳомланган О. яна фукаролар уруши мавзуида «Бўрон болалари» қиссасини ёзган (1934—36) ва публицистик мақолалар эълон қилган. О.нинг ҳар иккала ро-мани ўзбек тилига таржима қилинган.
Ас: Сочинения, т. 1—3, М., 1969; Пўлат қандай тобланди, Т., 1970; Бўрон болалари, Т., 1985.
Ад.: Тимофеев В., Ширяева М., Николай Островский. Критикобиографический очерк, М., 1957.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.