Nyu
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 363-b. — ziyouz.com
Nyu (frans. pi — yalanğoç) — tasviriy san'atning yalanğoç, köproq ayol tanasini tasvirlovçi janri. Uyğoniş davrida mifologiya, allegoriya (majoz), tarixiy va maişiy janrlar sohasida yuzaga kelgan. Jorjone, Titsian, Korrejo va b.ning asarlarida yalangoç ayol tanasi tasviri orkali italyan insonparvarlarining ayol gözalligi haqidagi tasavvurlari ifoda etilgan. Janr sifatida 17-a.da şakllangan.
P.P.Rubens asarlarida barokkoga xos haşamdor şakllar, yoş gözalning hayotiy nafosati aks etgan. Velaskesning «Venera közgu b-n» (1651) asarida ayol tanasi asosiy mavzuga aylansa, Rembrandtning «Suvga tuşayotgan ayol» (1655) asarida ayol nozik maişiy holatda tasvirlanadi. G. Kurbe asarlarida mifologik asosdan voz keçadi, O. Renuar asarlarida yalanğoç ayol manzara b-n uyğunlikda (nur va havoga çömilayotganday) tasvirlanadi. N. namunalaridan biri — A.S. Belolli (1820—1881 )ning «Çömilayotgan ayol» asari (1870) Özbekiston san'at muzeyida saqlanadi. 20-a. tasviriy san'atida N. rivoji yangi ifoda vositalari izlaş b-n boğliq bölib (P. Pikasso, A. Modilyani va b.), bu obrazlar ta'sirçanligini oşirdi.
Asl matn (kirill, PDF'dagidek)
НЮ (франц. пи — яланғоч) — тасвирий санъатнинг яланғоч, кўпроқ аёл танасини тасвирловчи жанри. Уйғониш даврида мифология, аллегория (мажоз), тарихий ва маиший жанрлар соҳасида юзага келган. Жоржоне, Тициан, Коррежо ва б.нинг асарларида ялангоч аёл танаси тасвири оркали италян инсонпарварларининг аёл гўзаллиги ҳақидаги тасаввурлари ифода этилган. Жанр сифатида 17-а.да шаклланган.
П.П.Рубенс асарларида бароккога хос ҳашамдор шакллар, ёш гўзалнинг ҳаётий нафосати акс этган. Веласкеснинг «Венера кўзгу б-н» (1651) асарида аёл танаси асосий мавзуга айланса, Рембрандтнинг «Сувга тушаётган аёл» (1655) асарида аёл нозик маиший ҳолатда тасвирланади. Г. Курбе асарларида мифологик асосдан воз кечади, О. Ренуар асарларида яланғоч аёл манзара б-н уйғунликда (нур ва ҳавога чўмилаётгандай) тасвирланади. Н. намуналаридан бири — А.С. Белолли (1820—1881 )нинг «Чўмилаётган аёл» асари (1870) Ўзбекистон санъат музейида сақланади. 20-а. тасвирий санъатида Н. ривожи янги ифода воситалари излаш б-н боғлиқ бўлиб (П. Пикассо, А. Модильяни ва б.), бу образлар таъсирчанлигини оширди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.