Odamtoş gaz-kondensat koni
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 42–43-b. — ziyouz.com
Odamtoş gaz-kondensat koni — Qaşqadaryo viloyati Ğuzor tumanidagi Odamtoş antiklinal burmasida joylaşgan kon. Odamtoş antiklinali jan. -ğarbdan şim.-şarqqa yönalgan. Qanotlari asimmetrik tuzilgan, şim.-ğarbiy qanoti tikroq. Yura davri ohaktoşlari böyiça antiklinalning uz. 14 km, eni 5,2 km, qalinligi 600 m. 1962 y.da konda qidiruv quduqlari burğilangan. Yura, bör va paleogen davrlariga mansub jinslar mavjud. Yura davri jinslari kontinental va dengiz şaroitida hosil bölgan terrigen jinslar, ohaktoş, tuz va angidritdan iborat, umumiy kalinligi 2000 m dan ziyod. Bör davri jinslari ham kontinental va dengiz şaroitida hosil bölgan şağaltoş, qumtoş alevrolit, gil, ohaktoşdan tuzilgan. Paleogen davri jinslari kam tarqalgan, qalinligi 100 m.
O.g.-k.k.da sanoat ahamiyatiga ega bölgan gaz uyumlari yuqori yura ohaktoşlarining 15- va 15-a gorizontlarida topilgan. 15-gorizontdagi gaz uyumlari ohaktoşlarning yuqori ğovakli qismida joylaşgan. Gorizontning umumiy qalinligi 174—270 m, ğovakligi 3,15%, ötkazuvçanligi 245 millidarsigaça, gaz uyumi 1397—1468 m çuqurlikda joylaşgan bölib, uz. 12,2 km, eni 4,4 km. Qatlam bosimi 17,4 at. Gazning ziçligi 0,691— 0,782, tarkibi 0,10—0,30% vodorod sulfid, 0,4— 7,5% karbonat angidrid, 33,4—87,4% metan va 1,9—11,4% azotdan iborat. Kondensat quyuklaşgan suyuq uglevo-dorodlar bölib, 1 m3 gaz tarkibida 12—700 sm3 ni taşkil etadi. Kondensatning ziçligi 6,9—7,3 g/sm3. 15-a gorizont örtasi mayda, darz ketgan töq kulrang ohaktoşlardan iborat bölib, 1287— 1210 m çuqurlikda joylaşgan. Gorizontning umumiy kalinligi 129 — 173 m. Ğovakligi 11,6%. Gaz uyumining uz. 8,7 km, eni 2,4 km, bosimi 174,4 at.
Asl matn (kirill, PDF'dagidek)
ОДАМТОШ ГАЗ-КОНДЕНСАТ КОНИ — Қашқадарё вилояти Ғузор туманидаги Одамтош антиклиналь бурмасида жойлашган кон. Одамтош антиклинали жан. -ғарбдан шим.-шарққа йўналган. Қанотлари асимметрик тузилган, шим.-ғарбий қаноти тикроқ. Юра даври оҳактошлари бўйича антиклиналнинг уз. 14 км, эни 5,2 км, қалинлиги 600 м. 1962 й.да конда қидирув қудуқлари бурғиланган. Юра, бўр ва палеоген даврларига мансуб жинслар мавжуд. Юра даври жинслари континентал ва денгиз шароитида ҳосил бўлган терриген жинслар, оҳактош, туз ва ангидритдан иборат, умумий калинлиги 2000 м дан зиёд. Бўр даври жинслари ҳам континентал ва денгиз шароитида ҳосил бўлган шағалтош, қумтош алевролит, гил, оҳактошдан тузилган. Палеоген даври жинслари кам тарқалган, қалинлиги 100 м.
О.г.-к.к.да саноат аҳамиятига эга бўлган газ уюмлари юқори юра оҳактошларининг 15- ва 15-а горизонтларида топилган. 15-горизонтдаги газ уюмлари оҳактошларнинг юқори ғовакли қисмида жойлашган. Горизонтнинг умумий қалинлиги 174—270 м, ғоваклиги 3,15%, ўтказувчанлиги 245 миллидарсигача, газ уюми 1397—1468 м чуқурликда жойлашган бўлиб, уз. 12,2 км, эни 4,4 км. Қатлам босими 17,4 ат. Газнинг зичлиги 0,691— 0,782, таркиби 0,10—0,30% водород сульфид, 0,4— 7,5% карбонат ангидрид, 33,4—87,4% метан ва 1,9—11,4% азотдан иборат. Конденсат қуюклашган суюқ углево-дородлар бўлиб, 1 м3 газ таркибида 12—700 см3 ни ташкил этади. Конденсатнинг зичлиги 6,9—7,3 г/см3. 15-а горизонт ўртаси майда, дарз кетган тўқ кулранг оҳактошлардан иборат бўлиб, 1287— 1210 м чуқурликда жойлашган. Горизонтнинг умумий калинлиги 129 — 173 м. Ғоваклиги 11,6%. Газ уюмининг уз. 8,7 км, эни 2,4 км, босими 174,4 ат.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.