Oksana Aleksandrovna Çusovitina
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 169–170-b. — ziyouz.com
Çusovitina Oksana Aleksandrovna (1975.19.6, Buxoro) — gimnastikaçi, Özbekiston Respublikasida xizmat körsatgan sportçi (1992), olimpiada öyinlari çempioni (1992, Barselona). Ç. Özbekistonda va Jahonda xizmat körsatgan murabbiy Svetlana Kuznetsova rahbarligida 7 yoşidan sport gimnastikasi bilan şuğullanadi. U Toşkentdagi Respublika olimpiya örinbosarlari bilim yurtini (1994) va Özbekiston jismoniy tarbiya intini (2000) tugatgan. 1989 y.dan Özbekiston jismoniy tarbiya va sport qömitasida gimnastika böyiça sport yöriqçisi. Ç. Osiyo çempioni (1996, Çangjou), 2 karra Osiyo öyinlari ğolibi (2002, Pusan), 3 karra jahon çempioni (1991, Indianapolis — 2 karra; 2003, Anaxaym), jahon kubogi ğolibi (2002, Ştutgart), 2 karra Yaxşi niyat öyinlari ğolibi (1990, Sietl), köplab nufuzli musobaqalarda sovrindor bölgan. U 4 ta olimpiada öyinlari (1992, 1996, 2000, 2004) da katnaşgan dunyodagi yagona gimnastikaçi. Ç. «Yilning eng yaxşi sportçisi» (2003) deb topilgan.
«Döstlik» (1996) va «Mehnat şuhrati» (2000) ordenlari bilan mukofotlangan.
Asl matn (kirill, PDF'dagidek)
ЧУСОВИТИНА Оксана Александровна (1975.19.6, Бухоро) — гимнастикачи, Ўзбекистон Республикасида хизмат кўрсатган спортчи (1992), олимпиада ўйинлари чемпиони (1992, Барселона). Ч. Ўзбекистонда ва Жаҳонда хизмат кўрсатган мураббий Светлана Кузнецова раҳбарлигида 7 ёшидан спорт гимнастикаси билан шуғулланади. У Тошкентдаги Республика олимпия ўринбосарлари билим юртини (1994) ва Ўзбекистон жисмоний тарбия интини (2000) тугатган. 1989 й.дан Ўзбекистон жисмоний тарбия ва спорт қўмитасида гимнастика бўйича спорт йўриқчиси. Ч. Осиё чемпиони (1996, Чангжоу), 2 карра Осиё ўйинлари ғолиби (2002, Пусан), 3 карра жаҳон чемпиони (1991, Индианаполис — 2 карра; 2003, Анахайм), жаҳон кубоги ғолиби (2002, Штутгарт), 2 карра Яхши ният ўйинлари ғолиби (1990, Сиэтл), кўплаб нуфузли мусобақаларда совриндор бўлган. У 4 та олимпиада ўйинлари (1992, 1996, 2000, 2004) да катнашган дунёдаги ягона гимнастикачи. Ч. «Йилнинг энг яхши спортчиси» (2003) деб топилган.
«Дўстлик» (1996) ва «Меҳнат шуҳрати» (2000) орденлари билан мукофотланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.