Onore de Balzak
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 74–75-b. — ziyouz.com
Balzak Onore de Onore de (1799.20.5, Tur - 1850.18.8, Parij) - fransuz realist yozuvçisi. B.ning ijodiy merosi janr jihatidan ulkan va xilma-xil: romanlar, povestlar, dramalardan iborat. B.ning köpgina romanlari va povestlari umumiy ğoya asosida birlaştirilgan va «Inson komediyasi» deb nomlangan köp jildli epopeyani taşkil etadi. Unda B. öz zamonasidagi fransuz jamiyatining haqqoniy, yorqin manzarasini yaratgan. «Inson komediyasi»ni muallif 3 qismga bölgan: «Odatlar haqidagi etyudlar», «Falsafiy etyudlar», «Analitik etyudlar». Öylangan 143 ta asardan 97 tasi yozilgan. Eng katta qismi «Odatlar haqidagi etyudlar»dir, unga 72 ta roman kirgan bölib, bular orasida — «Gobsek» (1830), «Yevgeniya Grande» (1833), «Gorio ota» (1834), «Yöqotilgan orzular» (1837—43) kabi asarlar bor. B. ijodida fransuz realizmi özining yuksak poğonasiga kötarildi. «Inson komediyasi» epopeyasi 19-a. ning 1-yarmidagi fransuz jamiyatining realistik manzaralarini keng qamrovda aks ettirganligi, voqealarga, dalillarga boyligi, turli toifadagi kişilar dramasi yaratilganligi, yorqin obrazlari va personajlari b-n katta taassurot qoldiradi. Epopeya asarlari bir-biri b-n boğlangan, qahramonlar taqdiri tutaş. Sudxör Gobsek, kommersant Grande, bankir Nusingen, ziyoli Rastinyak kabi obrazlar asardan asarga öta boradi. B.ning «Inson komediyasi» epopeyasi zamondoşlarining yuksak bahosiga sazovor bölgan. B.ning «Yevgeniya Grande», «Gorio ota», «Gobsek», «Sağri teri tilsimi» asarlari S. Muhammadjonov, M. Mirzoidov, M. Maxmudov va b. tarjimasida turli yillarda özbek tilida naşr etilgan.
Ad.: Azizov K,., Qayumov O., Çet el adabiyoti tarixi, T., 1987.
Asl matn (kirill, PDF'dagidek)
БАЛЬЗАК (Balzac) Оноре де (1799.20.5, Тур - 1850.18.8, Париж) - француз реалист ёзувчиси. Б.нинг ижодий мероси жанр жиҳатидан улкан ва хилма-хил: романлар, повестлар, драмалардан иборат. Б.нинг кўпгина романлари ва повестлари умумий ғоя асосида бирлаштирилган ва «Инсон комедияси» деб номланган кўп жилдли эпопеяни ташкил этади. Унда Б. ўз замонасидаги француз жамиятининг ҳаққоний, ёрқин манзарасини яратган. «Инсон комедияси»ни муаллиф 3 қисмга бўлган: «Одатлар ҳақидаги этюдлар», «Фалсафий этюдлар», «Аналитик этюдлар». Ўйланган 143 та асардан 97 таси ёзилган. Энг катта қисми «Одатлар ҳақидаги этюдлар»дир, унга 72 та роман кирган бўлиб, булар орасида — «Гобсек» (1830), «Евгения Гранде» (1833), «Горио ота» (1834), «Йўқотилган орзулар» (1837—43) каби асарлар бор. Б. ижодида француз реализми ўзининг юксак поғонасига кўтарилди. «Инсон комедияси» эпопеяси 19-а. нинг 1-ярмидаги француз жамиятининг реалистик манзараларини кенг қамровда акс эттирганлиги, воқеаларга, далилларга бойлиги, турли тоифадаги кишилар драмаси яратилганлиги, ёрқин образлари ва персонажлари б-н катта таассурот қолдиради. Эпопея асарлари бир-бири б-н боғланган, қаҳрамонлар тақдири туташ. Судхўр Гобсек, коммерсант Гранде, банкир Нусинген, зиёли Растиньяк каби образлар асардан асарга ўта боради. Б.нинг «Инсон комедияси» эпопеяси замондошларининг юксак баҳосига сазовор бўлган. Б.нинг «Евгения Гранде», «Горио ота», «Гобсек», «Сағри тери тилсими» асарлари С. Муҳаммаджонов, М. Мирзоидов, М. Махмудов ва б. таржимасида турли йилларда ўзбек тилида нашр этилган.
Ад.: Азизов К,., Қаюмов О., Чет эл адабиёти тарихи, Т., 1987.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.