«Op-art»
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 186-b. — ziyouz.com
«Op-art» (ing. op art — optik san'at) — oddiy handasiy şakl va tasvirlar b-n tomoşabinni çalğitiş, aldaşga qaratilgan, 20-a. 60-y.lar yuzaga kelgan asarlar, modernizmdagi neo-avangardik oqim. 1960-y.lardan rivojlanib, keng tarkalgan. Asosi geometrik abstraksionizmga borib taqaladi. Asosçisi fransuz rassomi V. Vazareli (Vaşarxey), 40-y.larning 2-yarmida şu san'atning dastlabki namunalarini yaratgan. «O.» vakillari rang-tasvirlarida oddiy geometrik şakllarning köp marotaba takrorlanişi hisobiga göyo ular öz örnini va holatini özgartirayotganga, harakatga kelayotganga öxşab körinişini va şu holat tomoşabinda ma'lum tuyğular uyğotişini asoslamoqçi böladilar.
Rassomlar öz asarlari uçun şunday şakl va ranglarni tanlaydilarki, ular idrok etilganda jimirlaş, egiliş, yuqoriga intiliş kabi taassurotini uyğotadi. «O.»ning bezak imkoniyatlari sanoat grafikasi, plakat, amaliy va bezaş san'atida öz aksini topdi.
Asl matn (kirill, PDF'dagidek)
«ОП-АРТ» (инг. op art — оптик санъат) — оддий ҳандасий шакл ва тасвирлар б-н томошабинни чалғитиш, алдашга қаратилган, 20-а. 60-й.лар юзага келган асарлар, модернизмдаги нео-авангардик оқим. 1960-й.лардан ривожланиб, кенг таркалган. Асоси геометрик абстракционизмга бориб тақалади. Асосчиси француз рассоми В. Вазарели (Вашархей), 40-й.ларнинг 2-ярмида шу санъатнинг дастлабки намуналарини яратган. «О.» вакиллари ранг-тасвирларида оддий геометрик шаклларнинг кўп маротаба такрорланиши ҳисобига гўё улар ўз ўрнини ва ҳолатини ўзгартираётганга, ҳаракатга келаётганга ўхшаб кўринишини ва шу ҳолат томошабинда маълум туйғулар уйғотишини асосламоқчи бўладилар.
Рассомлар ўз асарлари учун шундай шакл ва рангларни танлайдиларки, улар идрок этилганда жимирлаш, эгилиш, юқорига интилиш каби таассуротини уйғотади. «О.»нинг безак имкониятлари саноат графикаси, плакат, амалий ва безаш санъатида ўз аксини топди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.